Ирээдүйн нөхөрт

Гэнэт л бичмээр санагдав. Юу сайхан дур сайхан гэж...Хосуудаа хурдан олоорой гэж ерөөе!

Нөхөр минь, залуу минь би ойрд жаахан ууртай байгаа.

Чи ер нь намайг эрж, хайдаг хүн үү үгүй хүн үү? Тэр айлын нөхрүүдийг харж байхад гүйгээд, гүйгээд, олоод, олоод ирдэг юм байна.

Гэтэл чи л намайг олохгүй хэвээр. . .

Би чамайг хайгаад, тэнгис, далайг гатлаад очвол очий ш дээ. Чадий ш дээ. Даанч хүүхэн хүний гэдийж, годойдог зан чанар гэж юм байна.

Тэгээд ч өвөг дээдсийн сургаал, ном гэж юм бас байна. Чи тэрнийг мэдэхгүй л гэж битгий хэлээрэй. Аан харин санахгүй байгаа бол би энд дурдаатхая.

Айлын хүүхэн хүн чинь хэдий дуртай байсан ч дургүй юм шиг улаа бутраад, гэрийнхээ хаяанд шигдээд дотроо бол бүгдийг бодооод хариуг нь гаргачихсан сууж байдаг юм байна.

Үүнийг чинь орчин үеийн кинон дээр хүртэл тоглоом, шоглоомоор өгүүлсэн байна. Юу гэнэв. Хүүхнүүд чинь дуртай байсан ч үгүй гэж хэлдэгийн гээд л . . .

Гэнэт инээд хүрэв.

Чамайг над шиг ингээд биеээ засаад гэрээ зас гэсэн сургаалийг дагаад явж байх вий гээд. За тэгээд хэн мэдлээ дээ.

Хувь тавьлан ямартаа ч чи бид хоёрыг тоонот гэрт толгой холбож, тостой тогоонд хошуу холбог гээд зурчихаж.

Тэр хувь тавьлангийн ерөөлөөр чамайг хүлээж сууна. Гол нь эрүүл энх байвал болоо.

Энэ захиаг бичсэн хамгийн гол асуудал бол тэр хэдэн хүүхэд хэцүүдлээ. Айлын аав, ээжүүд хүүхдээ очиж аваад байдаг. Чи бид хоёрын хэдэн үрс нүдээ бүлтийтэл ширтээд суугаад байдаг.

Тэр манай ангийн Нямааг харчих. 09 сард нөхөртэйгөө яваад хүүхдүүдээ бүр хоёроор нь аваад ирсэн байна лээ ш дээ.

Тийм ийм санаа ер нь өөрт чинь байна уу үгүй юу.

За ямартаа ч биеэ сайн бэлдээрэй. Уулзсан анхны өдрөө хүүхдүүдээ очиж авна шүү.

Үүнийг зарлиг гэж мэдээрэй нөхөр минь!

За тэгээд наад нүдээ сайн нээгээд, чихээ сайн дэлдийлгээд хайгаад бай!