Хөдөөгийн байдал шалдар булдар, цагийн улирал ороо, бусгаа, элстэй шанд, буттай цайдмыг дагаж хааяа нэг хар гэрээс утаа суунаглана. Дөрвөн зүг цэв цэлийн уйтгартай, цагаан униар тунана. Зуны лүгхийм халуун эсгий гэрийг шарж, малчин хүний сэтгэлийг бухимдуулна. Айлын хаяагаар үхрийн баас үргэлжилжээ. Үүгээр түүгээр хэдэн тугал оодогнон давхина. Хөлд орохоос аваад, үс цайхын хүртэл нэг голыг өгсөн уруудан, нүүж, нэг худагийг эргэн тойрон нутагласаар энэхүү ертунцийг эцэслэнэ. Гавж Жамбал хоймор сууж бурхан ном гэж буруу зөв чалчих ба зайсан Намжил гаднаас ирж хууль ёс гэж худал үнэн ярихыг сонссоор өдөр, сарыг улируулна. Тэртээ уулыг өнгөрвөл айлгүй гэж бодож, тэнгэрийн хаяанаас цааш газаргүй гэж сэтгэсээр, түмэн хэргээс хоцорч, дэлхийн боловсролоос гээгдэнэ. Гагцхүү өглөө бурханд залбирч, үдэш тэнгэрт мөргөж нэг нас барна. Хуучин хүү хул морин дээрээ хөндлөн сууж, хатируулсаар хүрч ирэв...Д.Нацагдорж

Monday 14 February 2011

Х.Дондог Монголоо эрсэн Монгол

Нэр нь хүртэл нэгийг бодогдуулсан энэхүү номыг та бүхэндээ танилцуулж байна. Судлаач Х.Дондогийн бичсэн эл номыг зөвхөн Монгол хүн мэдэрч, ойлгоно гэдэгийг нэмж өгүүлье. Орчин цагийн ороо бусгаа үед Монгол хүн гэж хэн болох, ямар байх ёстойг маш олон жишээ, тодотголоор өгүүлсэн төдийгүй хот, хөдөөгийн ялгаа, яагаад ялгарсан, яагаад ялгах болсон тухай маш сонин бөгөөд үнэн жишээгээр өгүүлжээ. Энэхүү номыг Интерном болон бусад номын дэлгүүрүүдээс худалдан авч болох бөгөөд зөөлөн, хатуу гэсэн хоёр хавтастайгаар 15 000, 18 000 төгрөгийн үнэтэй борлогдож байна. Ялангуяа гадаадад суугаа ах дүү, найз нөхөддөө нутгийн үнэр болгож илгээвээс маш үнэд орох эрдэнэ болон хувирна гэдэгт итгэлтэй байна. Та бүхэн Монголоороо гоёж, омогшиж явах болтугай. Номын цагаан буян арвин дэлгэрэх болтугай.

Tuesday 8 February 2011

Шинийн үзүүр хаа хүрэв?

Шинийн үзүүр Норт Бэй хүрч, ширдэгний үзүүр хэдэн шил улаан дарс ууж нугаллааа. Сайхан нартай өдөр Монгол айлд зочилж, бууз, хуушуур, цуйван идэж Монгол дуу хөгжим сонсож, Монгол шууд нэвтрүүлэг үзэж Монголоор ярьж за даа Монголд очоод ирэх шиг л боллоо доо. Бөөн эрч хүч, энерги автобуснаас буулаа. Тухайн айлын эзэгтэй шиг сайхан хоол хийж сурах юмсан даа. Хүүхэд гараад ирэхээр сурах байгаа.
Өө тийн даалуу бас тоглоод би ч ууж идсэнээ эхэлж яриад хасах тал уруугаа л явж байна даа.
Даалууны нэрнүүдийг тас мартсан байна лээ. Гэхдээ гоё тоглосоон. Өө тийн ш дээ би эхлээд боол болж байснаа дараа нь дороо боолтой болоод тэгсэн намайг Их Хатанаар өргөмжлөөд кккккккк.
Аав, ээж, ах дүү садан шиг минь зочилж дайлаад л одоо яахав юу хиймээр байна гээд л явахад бөөн бэлэг сэлт бэлэглэээд их сайхан дайлуулаад аан тийн ул боов хүртэл өгөөд маш сайхан зочилсон. Гэтэл би нэг аяга ч угаагүй. Үгүй ээ зүгээр сууж бай гээд л хөдөлгөөгүй.
За тэгээд зочилсон айлдаа дайраад ирэхэд далай шиг буцаад ирэхэд булаг шиг ундарч байхыг хүсэн ерөөе!
Жич: Зочилсон айлын тавгын идээний зураг оруулав.