Хүүхэн болсон нь

Хүүхэн хүний хүслэн гээд нээх сайхан дуу байдаг ш дээ.

Охин хүүхэд юм болохоороо л багаасаа л их юм бодож явж. Одоо тэгээд тэр их юман дотор чинь зөндөө юм орий ш дээ ва ха ха ха ха.

Та нар мэдэж байгаа байх. Би мэдээ ороод л сэрсэн чинь хурганы зах дээр хэвтэж байсаан гэж.

Цэцэрлэгийн боловсрол 00 хүн чинь тэгээд шууд амьдралаас жишээ авч, мөрөөдөж явдаг байсан байж.

Нэг орой манай эмээ, өвөө хоёр ач, зээ нараа зэрэгцүүлж зогсоож байгаад л ямар мэргэжилтэй, ирээдүйд ямар хүн болох энэ тэр гээд асууж гарлаа. Би тэгэхэд сургуульд суугаагүй, цэцэрлэгт явдаггүй, миний ертөнцийг үзэх үзэл хурганы бэлчээрээр хязгаарлагддаг байлаа.

Өө дээрээсээ хэлээд агаа, эгээ нар багш, эмч, жолооч, тогооч гээд явж өгч байнаа. Манай ах дээр ирсэн чинь ах Багш гээд л тууштай хариулт өгч байна.

Миний ээлж ирэнгүүт бүх байдаг мэргэжилүүдийг нөгөөдүүл хэлчихсэн, би хэлэх юм олдохгүй болохоор нь БИ ХҮҮХЭН БОЛНО гээл аваад хаясан ва ха ха ха ха ха ха ха.

Гэрт байсан хүмүүс нирх, пирх гээд л явчихсан. Би юугаа ч мэдэхгүй. Хүүхэн болно гэж ямар ч мэргэжил байдаг юм бүү мэд.

Саяханыг болтол түүнийг маань манайхан ярьдаг байж билээ.

Саяхан гэнэт бодож байлаа. Би яагаад тийм хариулт хэлэх боловоо гэж. Тэгсэн чинь хариу ингэж гарлаа.

Манайд ирж малыг керлинд оруулдаг, бух галзуурахаар ирж тариа тарьдаг нээх хөөрхөн бас цэнхэр, хурган дээлтэй малын эмч хүүхэн байваа. Эмээ, өвөө хоёр амьхандаа хүүдээ сэжүүр өгөх гээд өө манай малын эмч үгүй ээ мөн сайхан хүүхэн шүү гээд л яриад байдаг байв.

Би түүнийг за энэ чинь сайхан хүүхэн болно гэдэг чинь эмээ, өвөөд таалагдахын шинж байна. Эмээ, өвөөд таалагдана  гэдэг чинь болоод явчихна тэр ухааны юм боддог байж таарлаа.

Өөр хариу байдаггүй ээ.

Мартсанаас мал мэнд үү гэгчээр. Чингис Хааны төрсөн өдөр тэмдэглэдэг болсон гэнэ. Өнөөдөр амралтын өдөр гэнэ үү. Улс тунхагласны өдөр тэмдэглэхээ больсон л гэх шиг болохын би буруу дуулаагүй байгаа даа.

За тэгээд Чингис Хааныхаа төрсөн өдрийг яаж тэмдэглэж байна вэ нөхдөө.