Тээврийн хүнс

Байгаль орчин, экологи, эдийн засаг, эрүүл мэнд гэх мэтийг бүгдийг тооцоолоод аль болох холоос тээвэрлэсэн хоол, хүнс хэрэглэхгүй байх нь МАШ ЗӨВ бөлгөө.

Би ч үүнийг саяхан л сайн ойлгож байна. Арван хувиар хэрэгжүүлж эхэлсэн. Гэхдээ асуудал бас байна.

Хөгжилтэй оронд байгаа надад асуудал байхад Монголд байгаа хүмүүст бүр их байж таараа.

Жишээ нь би өглөө боссоноосоо 11 цаг хүртэл жимсээр хооллодог хүн. Гэтэл энд өвлийн цагаар энэ нутгийн хөрсөнд ургасан жимс, жимсгэнэ юу ч алга.

Дандаа гадаадаас оруулж ирсэн жимс. Florida, Jamaica, Mexico...дээр бүр Бээжин гэсэн лийр хараад аймаар цухалдсы ш дээ.

Тэгээд жимсэн дээр очоод хэрэгжүүлэлт 00 болж байгаа юм. Ногоо бол яахав ээ 80 хувьтай, энд ургасан ногоо олдоож байна.

За мах бол ойлгомжтой, онц. Энд нэг махны газар бий. Өөх мөөх авья гэвэл харин ч байна шүү дээ. Том хот уруу нүүхээрээ үүнийгээ санах байх даа.

Эндхийн агч модны навчны цай нь их гоё ш дээ. Та нартаа тэгж байгаад амсуулнаа. Тэрийг нь манай энд хийдгийн. Хаа сайгүй л хийдэг байх л даа.

Гэхдээ би ногоон цайгүй бол нээрээ 3 л хонох юм билээ. Дугай булантай ногоон цай зүүдэлж босж ирж байгаа юм чинь яахав.

Будаа бол онцгүй. Би Солонгос дэлгүүрээс Япон будаа авдагын. За тэгээд бусад нь яахав ээ. Нэг юм болгоод байна.

Энд ирэхээсээ өмнө байхаа. Би ингэж сонсож байсын.

Манай Монголд гарсан юм билээ. Гадаадын лаазтай шар айрагыг уугаад хордсон тохиолдол. Тэгсэн нөгөө холоос тээвэрлэж ирсэн шар айрган дээр нь хархны шээс байж таараад мэдээгүй уусан байгаа юм.

Ялангуяа  үндэсний үйлдвэрийн гашуун нясуун юмаа ууж байх нь бүр чухал. Энэ тухай Аялагч Амай блогтоо маш тодорхой бичсэн байдаг.

Ялангуяа манай Улаанбаатарчууд энэ тал дээр давуу талтай. Үсрээд л АПУ-ийн шар айраг 120-оос л ирнэ биз дээ тиймээ.

Ер нь хаа ч явсан тухайн оронд үйлдвэрлэсэн, тээврийн бус хоол, хүнс хэрэглэж байх нь бүх талаараа давуу талтай.

Манай Монголд бол зун нь ногоогоо идээд л, өвөл нь цагаан идээгээ идээд байвал тэгээд болоо бус уу.

Хэрэв хэн хүнгүй гадны хүнс, барааны хэрэгцээгээ багасгачихвал манайх уруу эсэн бусын чанартай, чанаргүй хоол, хүнсээ шидэх нь багасана. Авахгүй ээ  гээд өмнөөс нь шидэж эхлэх юмсан.