Араншин-2

Бүх юмыг эрж хайхгүйгээр гарын доорх материалаар болгох сэтгэхүйтэй болчихдог юм байна.


Үүнийг одоо дотуур байрны амьдрал, малчины амьдрал эсвэл тэр үеийн нийгэмтэй холбож тайлбарлах юм уу би сайн мэдэхгүй байна.

Гэхдээ аль аль нь нөлөөлсөн гэж би хувьдаа үзэж байна.

Миний гүзээтэй шар тосыг бэлгэнд авсан хүн бол манай ангийн хамгийн сахилгагүй банди байлаа. Мань эр бодвол бохь аваад, зажлаад, зажилж дуусаад охидуудын үсэнд наана гэж бодож, баярлаж явсан байлгүй.

Гэтэл нэг гүзээтэй тосны булан атгуулчихсан мэл гайхаж, цэл хөхрөөд юун сахилгагүйтэх тэр өдөр шоконд ороод, багш бас тосоо гээчих вий, хаячих вий ээждээ аваачиж өгөөсэй гээд далдуур манасаар  гэртээ харьсан гэж байгаа.

Багш дараа нь ярихдаа, ТБ намайг сугалсан бол би хаваржин сайхан тостой цай уухгүй юу гэж байж билээ.

Яг үнэндээ сумын төвийн айлууд чинь нээх хөдөө амьдардаг юм шиг боловч хөдөө малгүй эсвэл малчин садан төрөлгүй хүмүүс жилийн дөрвөн улиралд хар цайгаа уугаад, цагаан идээнээс хол амьдардаг юм ш дээ. Мэдээж хааяа худалдаж авдаг байх.

Цагаан тосыг маань ээж гялгар уутанд хийж өгөөд шуудайны ёроолд хийгээд дээр нь хувцасаа хийгээд тэгээд голыг нь хөндийлж байгаад тэмээндээ тохоод хөдөөнөөс ирсэн болохоор тос нь нүүгээгүй байлаа.

Харин бэлэг солилцох өдөр ширээнийхээ нүдэнд тосоо уутнаас нь гаргаад зургийн дэвтэр дээрээ тавиад бэлдчихсэн байсан чинь өглөө 9-өөс өдөр 12-30 болоход тос нь нүүгээд борлосон байваа.

Яаж ч чадаагүй тэгээд өгчихсөн. Хэрэв зургийн дэвтэр өөр юмтай өгсөн бол нүүсэн тос нь сенсааци тарих байлаа.

Тос болсон зургийн дэвтэрнээс гадна цагаан тос сенсааци их тарьж байсан учираас чимээгүй өнгөрсөн юм даа.


Харин энд ирсэнээс хойш хүнд өгдөг барих юм хайж нэлээд явав. Эхлээд ч Монголоос авчирсан жаал, жуул дурсгалын юмаа өгсөөр байлаа. Гэтэл нөөц дуусаваа.

Тэгэхээр нь эндхийн нэхмэл гэрийн оймс хийдэг аргыг хүнээр заалгаад, утсыг нь аваад бөөн бөөнөөр нь нэхсэн дээ.

Одоо яг хар дансаа харвал 44 ширхэгийг нэхээд хүнд өгсөн байна. Их амархан. Утас нь ердөө 2 доллар. Тэгээд 4 доллараар нэг улавч гарна гэсэн үг.

Хоёр цагийн кино үзэхэд, хоёр гар нэг талын улавч нэхэж дуусгана шүү дээ. Санаа амар байдаг юм. Энд тэнд айлд очиход энийгээ бариад л очино.

Бусдаар бол энд бүх юм байна. Юу авч очхов дээ тээн. Үсрээд нэг шил вино тэгээд улавчаа гэр бүлийн хүний тоогоор нь бариад очино.

Монриалын зах зээл дээр бол энэ улавч 20 Канад доллараар зарагддаг юм билээ. Би нэгийг ч зараагүй.

Манай Со-ийн нөхөр хоёрыг захиалж хийлгэсэн аая яаа яаа.

Québec pantoufle

Өнгө, хээг нь өөрөө тохируулаад гаргачихна. Дан өнгө, давхар өнгө гээд яаж л бол яаж нэхнэ дээ. Их тэсвэртэй. Нэг нь бараг 3-4 жил болно.

Хүмүүс өөрөө нэхсэн гэхээр их ам сайтай байдаг юм. Жуулчид Кюбэкт ирээд буцахдаа авч явдаг нэг зүйл нь гэсэн шүү.