Жаргаах зүрхэн

Би Маралжингоогын нэг ч дууг сонсож байгаагүй.

Гэтэл энэ Жаргаах зүрхэнг үнэхээр, бүр сэтгэлээсээ, зүрхэнд ормоор, хэлэх үггүй болготол гоё дуулжээ.

Ямар их юм бодогдож байна гээч. Хүнд долоо хоногийн ачааг нуруун дээрээс сэвх гэтэл нь өргөөд явчих шиг боллоо.

Тухайн улсын хэл, соёлыг судлаад, сураад ч тэнд л унаагүй бол сэтгэл, сэтгэхүй өөр гэдэгийг зүрх, сэтгэлээрээ мэдэрч байгаа хүнд үнэхээр их юм бодогдуулж байна.

Энэ дуунд гараад байгаа хавцгай, сарьдаг... гэх мэт үгийг мянга сайхан орчуулаад ч гадаадын хүн хэзээ ч ойлгохгүй, хэзээ ч Монгол хүн шиг бодол болохгүй гэдэгийг улам сайн ойлгож байна даа.

Youtube дээрх энэ дууны сэтгэгдэлийн уншаарай. Үнэхээр гоё, халуун  дулаан сэтгэгдэл үлдээсэн байна лээ.

Бид дууч ард түмэн, дуундаа уярдаг ч ард түмэн.