Гайхшруулалт

Манай эндхийн гайхшруулалтын 14 хоног эхэлсээн.

Эндхийн эрэгтэй хүн болгон анд явнаа. Хандгай агнана.

Тухайн заасан 14 хоногийн дотор ан хийж болно. Гэхдээ тоотой, 2 хүн дундаа нэг ан авч болно. Согоо агнаж болохгүй... гэх мэт.

Ан хийх гэсэн хүн бүр ан хийх эрх авна, төлбэртэй. Учир явдал их гэж. Сайхан юм нь эд нар нь дүрэм, журмаа ягштал мөрдөнө.

Ой дотор нь ангийн байцаагч эрх мэрх, авсан ангийн тоо энэ тэр гээд шалгаад явж байдаг гэж байна лээ.

Миний ярих гээд байгаа гайхшруулалт болбоос за жишээ нь Б ан авлаа гэж бодьё. Машиныхаа орой дээр толгойг нь, ангийнхаа хөл мөлийг машиныхаа ачааны хашлагнаас давуулж ачаад энэ төв дундуур хэд эргэлдэнэ.

Анд яваагүй хэдэн сөөсгөр банди, хүүхнүүд дуу алдан харж мань анчингийн зүрхний цохилтийг хөөргөнөө.

Ангийн 14 хоногоор албан байгууллагат хүүхнээс өөр хүн үзэгдэхгүй гэж мэд. Зарим хүүхнүүд бүр анд явдаг гэж байна лээ.

Энэ цаг үе бол хүн бүхэн ээлжийн амралтын авах гэсэн оргил үе бөлгөө.

За тэгээд 14 хоног хаа ч хэнтэй ч таарсан зөвхөн ангийн тухай яриа гарах ба тэр тэгж гэнэ, энэ ингэж гэнэ гээд гайхшруулалт дуусахгүй шүү дээ.