Зун дуусаагүй байхад намар ахыг шууд ялгасаад өвөл агааг хүлээгээд байгаа хүн ч юм шиг. Хүн сэтгэлийн амьтан гэдэгт зуун хувь итгэдэггүй хүн байвал гараа бас хөлтэйгөө өргөнө үү. Би итгүүлээд өгөмз.
Юм бүхэн цаг хугацаа, хэмжээ, урсгалтай байдаг байлгүй дээ. Надад ирэх болоогүй зүйлийг хэт их хүлээж мөрөөдөөд байдаг ч юм шиг. Цаг хугацаа гэдэг аугаа зүйлээс суралцаж ханахгүй бололтой.
Гаднаас нь харвал байдаг л нэг хөдөөний эмэгтэй. Дотороо бол дээгүүр нисч, дээд тэнгэрээр зүүдэлж яваа хүүхэн юмаа.
Намар бид хоёр муудаж байгаагүй ч намар заримдаа сэвшээ салхиараа хацарыг минь илбээд сэрүүн зүүд шиг амьдарлыг мэдрүүлж өгөх шиг болдог юм. Хийсээд байгаа навч нь надаар наадаад ч байгаа юм шиг, нараар наадаад ч байгаа юм шиг. Таах аргагүй юмаа.
Цэцэг шиг бага насандаа утга, уянгыг нь дэндүү мэдэрч, ойлгож сурсан дууг маань Extacy гэдэг хамтлаг дуулжээ.
Арай ахмад эмэгтэй жишээ нь Ардын жүжигчин А.Долгор дуулсан бол нэвширтэл мэлмэрэх байж.
Намар ч тусаж байгаа нартайгаа адилхан сайхан улирал даа. Энэ жил харин нар багатай бороо ихтэй сэрүүхэн намар болж байна, энд.
ReplyDeleteЭнд өнөөдрөөс эхлэн хэд хоног борооших шинжтэй.
Delete