 |
| Даваа гарагийн хоол |
.
Саахалт маань хүү, охин хоёртой охин нь урт салаа гэзэгтэй, жирвийсэн хөмсөг, жимсэн улаан хацартай надаас 10 дүү охин байлаа.
Ээжийгээ дуурайсан эгэлгүй сайхан төрх, гоо үзэсгэлэн нь эрт дээр үеийн эхнэр хатадын хойд дүр гэлтэй.
Саахалт айлын санаа нэг гэгчээр Цагаан сараар хамгийн түрүүнд саахалтындаа очиж, элдэв төрлийн идээ ундаагаар дайлуулж, саахалт айлуудын санаа нийлэн, хүнгэр хүнгэр ярьж, хүд хүд хийн бараашиг залгилж, хүндэт зочин нь болдог байснаа дурсахад арвин юмаа.
Цаг хугацаа урсан одож нэг мэдсэн би Канад явах болсон байлаа. Тэр үеэр л байх. Ээж надад саахалт айлын охин танай сургуульд элсэж орсон гэнэ гэж хэлж байсан санагдана. Түүнээс хойш 4 жил өнгөрч саахалт айлын салаа гэзэгтэй охин их сургуулиа баклавар мөн ээж гэсэн алдартай төгссөн сураг өчигдөрхөн сонслоо.
Яагаа д ч юм тархинд надаас хэд дүү хүн яахаараа хүүхэд гаргачихдаг билээ гэж харван орж ирлээ. Үүний учир нь би гэдэг хүн саахалт айлынхаа охиныг нөгөөх л салаа гэзэгтэйгээр нь зүйрлэж төсөөлөөд байгаатай холбоотой боллоо.
Эр өсч эсгий сунадагын үлгэрээр эмэгтэй хүн хацар тэнийж хадамд гарсан байлаа. Боожгойгоо унжуулсан бижигхэн маамуу тэвэрчихсэн зурагийг нь харж өчигдөржингөө баясаж суулаа.
Яагаад ч юм саахалт айлын маань охин манай сургуулийг төгссөн нь бид хоёрын холбогдох хувь заяа ч юм шиг санагдах юм даа.
0 сэтгэгдэлтэй:
Post a Comment