Улаан нүүр

Явж явж алгын чинээ улаан нүүр маш их ач холбогдолтой болж байна. Миний хувьд улаан нүүр гэдэг бол өнгө зүснээсээ илүү өмнөөс хараад байж байгаа улаан нүүр их ач холбогдолтой.




Харин зарим нэгэн хүмүүс алгын чинээ улаан нүүрний галбир хэмжээ, зураас мм-ийг тооцолж сонголт хийдэг. Энэ бол нэлээд эрсдэлтэй. Гэхдээ юу сайхан дур сайхан.

ДАЛАЙ БАГШ хэлэхдээ: Хүмүүсийн нүүрний ялгаа нь мм ч хүрэхгүй өөрчлөлтүүд байдаг. Тэрхүү мм ч хүрэхгүй өөрчлөлтийг их зүйлд бодож нэгнийгээ царайлаг, царай муутай гэж хэлэх нь дэндүү өрөөсгөл.

Надад бол алгын чинээ нүүр нь цагаан байна уу,улаан байна уу, өргөн байна уу гонзгой байна уу падлий алга. Харин уураа хүрхээр чимхээд авдаг, уураа гархаар үнгээд авдаг тийм нүүр л хэрэгтэй.

Хэдэн мянган км-ийн цаанаас хайртай дуртэй гэдэг хананы цаадах нүүр ямар ач холбогдол өгөх вэ?

Хүн гэдэг сонин амьтан юм. Улаан нүүр харж урвадаг бол улаан нүүр харж шаравдаг нэгэн бас байна.

Гуйлга гуйна, утсаар ярина, захиа бичнэ. Яаж ийгээд татгалзаж болно. Хананы цаанаас юу л бол юу гэж хэлж болно. Гэтэл улаан нүүрээр учрахаараа яаж ч чадахгүй зөвшөөрөх болно. Нүүрээрээ тулж уулзсан, нүцгэн үнэн хоёр ялдаг гэж.

Ойрхон амьдардаг хүмүүс дасдаг гэдэг. Тэр чинь нөгөөх л улаан нүүрийн ач холбогдол шүү дээ. Улаан нүүрийг өдөрт харах, харахгүй хоёрын маш том ялгаа бий.

Би боддогын. Нүдний хөдөлгөөн, амны хөдөлгөөн, чихний сонсгол, хамрын онгойсон нүх, бөмбөрөн урсах нулимс, жимбийсэн улаан хацар, жирвийсэн хөмсөг гээд ид шид бүхий эрдэнэс юм даа.

Улаан нүүрэндээ зөв ач холбогдол өгч хайрлаж яваарай хүмүүсээ.