Эвий дээ, сэтгэл гаргаж тэр холоос аз жаргал, баяр баясал дагуулан ирж байгаа хоёрыгоо би гэдэг хүн мэдэхгүй, намайг хайж энүүгээр бүтэн сар эргэлдээд Монголдоо буцсаны дараа нь мэдлээ. Гар утасны дугаараа өгөх минь яалаа гэж сууна.
Ирэх сураг л байснаас хойш ийм хурдан хил, гааль гатлаад ирнэ гэж та хоёрыг яаж санахав дээ. Эвий эвий.
Миний амьдардаг хуучин газарт хүртэл очиж. Гэтэл тэр хавийнхан намайг таниагүйгээр барахгүй амьдралдаа тийм гадаад хүн хараагүй хэмээн ойлгуулан мань хоёрыг буцаасан байна.
Би яг тэр үед нүүсэн юм. Би нүүнэ шүү гэж хэлж л байсан санагдах юм. Хөөр баяртаа догдлоод сайн тоогоогүй юм байлгүй дээ.
2,5 сая хүн дотроос Тэмээчин Бүсгүйг олох нэг өөр 34 сая хүн дотроос Монгол Бүсгүйг олох нэг өөр. Гэхдээ их дөхсөн байна. Ганцхан гар утасны дугаараа л өгсөн бол өдийд би тэр хоёртойгоо үнгэлдэн сууж байх байж.
Хэчнээн зардал гаргаж хоёрын хоёулаа наашаа ирсэнийг тааж мэдэшгүй. Миний хуучин амьдарч байсан хотын хүмүүс жаахан сэтгэл гарагсан бол болохгүй юмгүй байж.
Эд нар заримдаа хагас РОБОТ хүмүүс шиг санагддаг юм. Бүх юм нь дүрэм журмандаа баригдаад хөдөлшгүй болгоно. Дээрээс нь татвар гэдэг үг ам таглана. Дуусаа, гүйцээ.
Урь орхоор дахиад л над уруугаа зүглэнэ гэнэ өнөө хоёр чинь. Одоо яахнав дээ. Хэрэггүй ш дээ, сэтгэл гаргалаа одоо боллоо гэтэл үгүй ээ чамайг олохдоо л олно гэж байна.
Шинэ хаягаа алдаа, мадаггүй өглөө. Гар утасны дугаараа цээжинд нь шивлээ. Одоо та 2 минь намайгаа олоод ир дээ. Та хоёрыгоо тэсэн ядан хүлээж сууна.
Ямар их сэтгэл, тэвчээр, чин зориг гаргаж, намайгаа зорьно вэ ХОЁРЫН ХОЁР ИЛГЭЭМЖ минь.
Аян замдаа сайн яваад, хагарч няцралгүй ирээрэй хонгоруудаа.
haha ilgeemj uu kk bi odoo blogoor naizalsan 2 gar bjde l gej bodloo
ReplyDeleteхүн л гэж бодож байлаа, ккк
ReplyDeleteЭртний анд мину, кккк энэ хэлбэрийг зүйрлэл гэдэг бил үү уран зохиолын хэллэгт
ReplyDeleteМонгол бүсгүй мину, хоёр илгээмж зөрөөд сүйд наана чинь хэ хэ хэ