Хавар иржээ

Нэрий нь мэддэггүй ээ

Монголд Цагаан сар болчихоод тэр үү сэтгэлд хавар ирээд сайхан байна. Манай энд бол гараг эрхэсийнхээ цагаар 03 сарын 20-нд хавар ирэх юм гэнэ.



Юу юугүй 03 сар гарчихсан тууж явна. Би гэдэг хүн энэ сард 14 хоног ажиллаад дараа нь 14 хоног амраад сар дуусах нь ээ. Өчигдөр ажил дээрээ ирлээ. 
Хаа очиж өнөөдөр -18 хэм их сайхан тогтуун байна. Нөгөө их цас чинь доошоо суугаад эхэлсэн байна.



Нэлээд хайлаад доошоо суусан байгаа биз

Нуурынх нь мөс хэзээ гэсхийн бүү мэд. 05 сарын сарын дунд хүргэх байхаа.


Тамхины сав маань одоо цухуйж эхэлж байна

 Энэ лав дүүрсэн дэг шүү. Цасы нь ухар суллаагүй нь лавтай даг.

Манай энд маш чухал

Дээр би агуулахын гадаа үүнийгээ авхаа мартаад тэр чигтээ машинаа унаж давхиад өөрийнхөө албан байрны гадаа ирээд л мэдсий ш дээ. Тэнд нь хаяцан ва ха ха. Хүнд хэлбэрийн жолооч шүү дээ би.

55 тонн

Дуу муу нь чанга гэж яанаа. Нэлээд сонсгол доголдуулж байгаа байхаа.


Жаранхөлтийн 60 жилийн ой энэ жил болж байна

 Яриад байсан хурал/хэлэлцүүлэгнийхээ /тэмдэглэл/бичилтийг хийгээд явуулчихсан. Одоо ам хэлээрээ баахан дасгал хийнэ. Орой хоолоо идчээд өрөөндөө ороод гар хуруугаа хөдөлгөөд, ганцараа яриад үзэж тарна даа. /Дараа хурлын тухай жич бичье/

Би ч тэгээд ярьна гэж янгир ямаа ууланд авирч байгаам шиг баллана шүү дээ. Ямар сайндаа хэлний ангид байхдаа Монгол улсаа магтаад эцэст нь хүрч байсан чинь Колумб залуу асуужийн:

-Чи чинь Монголоо диваажингийн орон шиг л ярьхын
-Бараг л мөн дөө ха ха ха ха
-Тэгвэл яагаад энэ дэлхийн хүмүүс Монгол уруу чинь нүүхгүй байгаан
-Хүмүүс мэдэхгүй байна ш дээ. Би тэгээд ярьж өгч байна ва ха ха ха ха ха ха.

Колумб залуу очиж нүдээрээ батлана гэсэн шүү нөхдөө.

Төл малын дуу цангинаад ямар сайхан байгаа бол доо. Сэтгэл санаа тэнийгээд хүн бүхэн мишээгээд сайхан хавар болох шинжтэй. Сайхан хаваржаарай!