Эднүүд урагшаа явдаг

Манайхан урагшаа явна гээд Хужаа явдаг шиг эднүүд ѳвлийн гурван сар урагшаа цувсаар байгаад таархын.


Надаас бусад нь ѳвлийн 3 сард урагшаа явж халуун оронд 7-14 хоног далайн эрэг дээр бѳгсѳѳ шарж байгаад ирдийн. Ѳѳрсдѳѳ бѳгсѳѳ шарна гэж ярьдын инээдтэй.

Саяхан манай багш тэгдийн*

-Хүүе чи шалгалтаа 3 хоногын ѳмнѳ ѳгч чадах уу
- Яасан багшаа
- Би 3 хоногын ѳмнѳ шалгалтаа дуусгачаад БН Доминикан улс явж 10 хоног бѳгсѳѳ шарах гэсийн

Ерѳнхийдѳѳ ихэнх нь 3 сард явна. Гэхдээ зарим нь 1-2 сард бас явдаг. Сая манай хурган дарга 10 хоног Пунта Кана яваад ирсэн. Гачин бор юм ирсэн.

Манай нэг цахилгаанчин залуу найз хүүхэнтэйгээ Ямайка яваад ирсэн байсан.

2 сард том дарга, 3 сард бага дарга явхым гэсэн. Би ноднин явах гээд Монголоороо сэтгээд дараа 7 хоногт явья гээд захиалга ѳгѳх гээд очсон чинь бүгд 11-12 сард захиалаад онгоц, буудал хаана нь ч захиалга дүүрцэн байсан. Тэгээд больчихсоон.

Энэ жил явья гэж шинэ жилийн үеэр жаахан дэвээд тэгээд больчихсон. Үнэндээ зав алга.

Ноднин Мексик их яваад байсан энэ жил больсон байна бослого мослого гараад байсан. Тэгээд энэ жил Куба, Ямайка, БН Доминикан уруу явцгааж байна.


Хаад нэг нь АНУ-ын Флорида явж байна. Заримдаа эд нар чинь АНУ-даа сүжиггүй болцон байдын.

Ерѳнхийдѳѳ 75% нь яваад байх шиг байна. Нэг хүний 7 хоноё гэж бодоход онгоц,буудал, хоол бүгд ороод 1500 Канад доллар болдог гэнэ лээ.  Тэгээд кармандаа 200-400 доллартай явхад болдог гэсэн.

Сэтгэлийн цэнгэл гэдэг юм түүнээсээ авч байдаг байх. Баяр маяраар л лав авдаггүй гэж би хардаад байгаа. Жаахан үнэний талтай .

Жич- Ханиад хүрээд хоолой ѳвдѳѳд шүлс залгихад гэцүү болж байна. Ѳнѳѳ шѳнѳ эмээр бѳмбѳгдѳхѳѳс.