Их удаан амарч болохгүй

Удаан амарч чаддаггүй цовхчоод эхэлдэг хүн чинь би шүү дээ.

Ерөнхийдөө амралт дуусч байна. Наагуур, цаагуур гүйх ажилууд гайгүй эмх замбараатай болж байна.

Удаан газраас ирсэн болоод тэр үү энд чинь ажил ёстой нэг хийморийн сан тавьсан юм шиг бүтэх нь сайхан юмаа.

Их удаан юм хүлээх ч бас л нэг горьгүй асуудал шүү тиймээ.

Мартсанаас ямар хурдан зун болж байнаа. Зун болох болоогүй гээд 7 сард ирэх каргонд зуны хувцасаа өгчихсөн чинь юу юугүй зун болчих гээд сандаргаж байнаа.

Ямар сайндаа өчигдөр хороололд байдаг Гурван билэг их дэлгүүрийн Монгол барааны дэлгүүрээс ганц хоёр нимгэн юм авч байхав дээ.

Тэнд их хямдхан сайхан ш дээ. Дотуур хувцас энэ тэр нь бас дажгүй. Биед эвтэйхэн.

Тэр брэнд мрэнд гэдэг юм чинь Монголд оригоороо байдаг юм уу? Нуль дууриамал. Ялангуяа LV-г бол будаа болгоод хаясан байна лээ ш дээ.

Сумын төвийн сургуулийн хүүхэд LV-ийн дууриамал цүнхтэй. За тэгээд алчуур, тирко ер нь дууриагаагүй юм үнэндээ алгаа. Дээлийн торго хүртэл байх шиг байна лээ ш дээ кккккккк.

Ичих ч шиг. Баярлах ч шиг.

Яг үнэнийг хэлэхэд 500 000 төгрөг 7 хоноогүй л дуусч байна. Уг нь нээх идэж уугаагүй. Ганц хүний уух идэх зүйлс тэгээд 1-2 удаа л хоолонд орсон байлгүй.

Утас, интернэт, байрны төлбөр төлөөд, ойр зуур гэр ахуйн бараа аваад дуусчиж байгаа юм бишүү.

Би бүр 7 хоноход нэг удаа таксидсан. Тэгээд нэг удаа автобусанд суусан. Бусад нь ерөөсөө дандаа хоёр зээрдээрээ яваад байгаа шүү дээ.

Хоёр зээрдээрээ явах зам мам бас л муу юмаа тээн.

Тэр Нобелийн шагналтны лекцийг сонсий гэсэн чинь над мэтэд нь урилга олдоогүй ш дээ. Ийм тиймэрхүү юманд боломж байвал над мэтийн тэнэж яваад ирсэн хүнийг хамруулж байгаарай та минь ээ кккккккк.

За тэгээд үр хүүхэд гээд завгүй байх болоогүй учираас одоо тэгээд ажил, төрөл гээд гүйхгүй бол өчигдөрөөс эхлээд Би хаана төрөө вэ гээд шүлэг уншмаар санагдаж байна лээ шүү дээ ва ха ха ха ах аха ха ах ха.