Дуучдын үнэ ханш

Яг үнэндээ аль байгууллага хэн гэдэг дуучиныг хэдэн төгрөгөөр шинэ жилийн баяр дээрээ дуулуулах нь над мэтэд бол падгүй зүйл л дээ.

Гэхдээ...

Гэхдээ байна ш дээ. Би нэг юманд их эргэлзэж явдагын. Үнэхээр тэр байгууллагын ажилтанууд 15 сая төгрөгөөр 3 дуучин 6 дуу дуулаад гархад сэтгэлийн дээд цэнгэл эдэлж чадаж байна уу үгүй юу гэж?

Компани нь үнэгүй хоол өгнө. Тэгээд одоо хоолтой концерт үздэг л болчоод байгаа байхгүй юу. За яахав дараа нь нөгөө дуучидтайгаа зургаа татуулж, хожим нь какарч сууна биз дээ.

Гэтэл одоо бүр дуучидаасаа хэтрээд хөтлөгч энэ тэр хөлсөлдөг гэнэ. Үгүй ээ нээрээ энэ мөнгө нь илүүдээ гараад байна уу эсвэл үнэхээр тийм мэргэжилийн хөтлөгч хэрэгтэй байдаг шинэ жилийн баяр юм уу би нээх ойлгож өгдөггүй юм.

Цаашлавал албан байгууллагууд хэнийг шинэ жилийн баяр дээрээ дуулуулж байгаагаараа нууцхан өрсөлдөөн явагддаг.

Ариунаа, Сараа хоёрын үнийг дийлээд шинэ жил дээрээ дуулуулчихвал бүтэн жил тэр байгууллага олз омог, ажил үйлсээр дүүрэн явна биз тиймээ.

Би бол энэ бүхний 100 хувь эсрэг зогсдог хүн. Хэрэв би албан байгууллагын удирдлага байгаад эсвэл шинэ жилийн баяр зохион байгуулах эрх мэдэлтэй ажилтан байвал шинэ жилийн баярыг ингэж тэмдэглэнэ.

Тэр дуучдад өгдөг хэдэн арван сая төгрөгөөр нь ерөөсөө ажилчидаа л баярлуулна. Яавал манай ажилчид нэг оройг үнэхээр сэтгэлийн дээд цэнгэл эдлээд гарах вэ? Хэнийгээ бид дэмжих ёстой билээ? Хэнд сэтгэлийн урам зориг дутагдаад байгаа билээ?

Ерөөсөө л энэ.

Эхний дуучны таван сая төгрөгнөөс 2 саяыг нь л зарцуулая.

Жинхэнэдээ бол манай Монголчууд хаа очиж бүгдээрээ дуучин, бүгдээрээ авьяастай биз дээ. Үнэхээр бурханы алдаагаар солгой хоолойтой төрсөн хүн байлаа гэж бодоход бүжиглэнэ, дуулна, хөгжим тоглоно гэж нэг юм байна ш дээ.

Хүн болгонд ямар нэгэн авьяас байгаа.Түүнийг нь л би яг энэ баяр дээр гаргахыг хүсдэг. Харин ийм үед авьяас нь байгаад өө би дуулахгүй, бүжиглэхгүй гээд гүрийгээд байдаг хүмүүсийг би ерөөсөө ойлгодоггүй.

Хэзээ бүжиглэж, дуулах гээд байгаан. Диваажинд уу? Эсвэл өөр хаана вэ?

Яс юман дээрээ хүн болгон нэг дуулчих юмсан, бүжиглэчих юмсан гээд бодож явдаг л байхгүй  юу ва ха ха ха ха ах ха ха ха ха ха.

За ингээд урлагийн тоглолтын хувьд бол асуудалгүй. Урлагийн авьяастныг олно. Ялангуяа олны хараанд өртөөд байдаггүй үйлчилгээний ажилтан нараас авьяасыг нь олж хараад нүүрий нь будаад нөгөө хувцасыг нь өмсгөөд тайзан дээр гаргалаа.

Тэр хүн худлаа хэлэх хүнд насаараа үүнийг дурсаж явах ч юм бил үү хэн мэдлээ.

Харин авьяастай хүн дутагдаад, эсвэл олдохгүй бол би өөрөө гараад дуулчихна, бүжиглэчихнэ, шүлэг уншчихна, хөгжим тоглочихно, тэгээд хөтөлчихнө. Хүнд сэтгэл байвал юуг ч хийдэг л байхгүй юу.

Тэр сэтгэлтэй, идэвхитэй хүмүүсээ сайхан юм үзүүлэх харуулахад нь дэмжээд, материаллаг баазаар нь хангахад мөнгөө зарцуулна.

Одоо дараагийн дуучины 5 сая төгрөгийг бүгдийг нь эдлэнэ.

Хүмүүсийг идэвхитэй, суудалд нь суулгахын тулд эхлээд шагналаа зарлачихна. Хожсон хүнийг гэр бүлтэй нь Хайнан эсвэл Чэжүд аялуулна.

Ес эхэлсэн өвлийн хүтэнд 14 хоног янагтайгаа ийм сайхан аялалын азтан болчих гээд байрнаасаа хөдлөхгүй, бүх тэмцээн уралдаанд оролцоод баллана биз дээ.

Энэ үе дээр бол цаадуул чинь дотроосоо жаахан халаалттай бол жинхэнэ алаад өгдөг байхгүй юу. Юу вэ тайз булаацалдаад би би би л гэнэ шүү дээ.

Тэр хүнээс гарч болох бололцоо, авьяас юу байна бүгдийг шавхсан оюун ухаан болон биеийн хүчний уралдаан тэмцээнийг зохионо.

Тэмцээн уралдаан нь бусдыг хөгжөөх, инээлгэж байвал маш сайн. Мөрөөдөл биелэлээ оллоо л гэсэн үг.

Одоо сүүлийн дуучины таван сая төгрөгийг ажилчиддаа цац л даа. Дэмж, урамшуул. Өөр юу дутагдалтай, ажилчидыг баярлуулахад хэрэгтэй юу байна түүнд зарцуулна.


Харин одоо мөнгө хэмнэх тухай бичье. Нээх чамин чамин олон янзын хоол, дэсэрт ирнээ. Үнэн хэрэг дээрээ шинэ жилийн баяр болно гээд сэтгэл нь догдлоод юун хоол идэх манатай тэгж ярьвал бараг халаалттай л ирдэг ш дээ.

Яадын гэртээ гурилтай шөлөө эсвэл махаа чанаж идчихээд тэр хоолны мөнгөөрөө нохой гурав харагдтал уухгүй юу. Энгийн өдрүүдэд авч ууж чаддаггүй юмаа авч уу. Одоо тэгээд өөр яаж цэнгэмээр, баярламаар байна тэр болгоныг л тэр орой бүтээ л дээ. Тэгээл болоо ш дээ.

Ингэсэн цагт цаад дуучид чинь 10 000 төгрөгөөр дуульяаа гээд өөрөө гүйгээд ирий ш дээ.