Гүүр

Би тийм нэг гүүр болдог, гүүрчин хүн юмаа. Яагаад ийм юм бүү мэд.

Ямарваа нэгэн бүлгэм, хэсэг, тодорхой хүрээлэл дотор хүн бүр бие биетэйгээ янз янзын харилцаатай байх. Би тэр бүлгийн бие биедээ хүрдэггүй хэсгийн гүүр болсон байж байх юм.

Найман жилд дээ. Манай ангийнхан чинь бас бүгдээрээ их эв нэгдэлтэй анги байсан. Гэхдээ нөгөө гэр хороолол, байрны хүүхэд гэх ялгах юм байхгүй. Харин энэ дарга нарын хүүхэд, нөгөөх нь одоо хэний ч хүүхдүүд байсын. Малчиных гэвэл би л ганцаараа байсы ш дээ.

Тэр хоёр бүлгэм хоорондоо холбоонд орохгүй. Гэтэл би тэр хоёрыг холбоол гүйж байж. Гэхдээ найман жилийн ангид бага байсан санагддаг юм.

Арван жилд орлоо. За нөгөө аймгийн төвд чинь жинхэнэ төвийн хүүхэд, хөдөө сумдын хүүхэд гээд ялгарна шүү дээ. Гэтэл нөгөө аймгийн төвийн ангийн дарга чинь ёстой нөгөө хөдөө сумынхантай харьцахгүй ш дээ.

Гэтэл би бас л тэнд холбоо нь болоод, гүүр нь болоод явж байсан байхын. Би бүр санадагын. Ангийн дарга над дээр ирсэнээ цаад хөдөөнийхөндөө хэлчээрэй гээл надад мэдээлэл өгнө.

Дараа нь их сургууль орсон чинь манай ангийн охидууд хоёр хуваагдцан. Би бас голд нь гүүр болчихсон. Нөгөө хоёрыг ойртуулж явж байлаа. Оюутны дөрвөн жил бүр их байдаг байсан.

Ажил дээр гарлаа. Бас л нөгөө ялгаа. Хэсэг хэсэгээрээ нийлнэ. Би бас нөгөө нийлдэггүй хэсгүүдийн гүүр болчихсон. Даргатай нь ч цэрэгтэй нь нийлдэг тийм сонин хүн юм.

Энд ирлээ. Энэ Канадууд чинь Африкуудтай тоож харьцахгүй ш дээ. Ёоо ёоо тэгсэн чинь би бас гүүр болчихсон. Нөгөө хоёрыг холбоод явж байх юм.

Ингээд бодохоор аймар зусарч хүний ажил шиг санагдаж байгаа биз. Гэтэл үгүй юмаа. Би чинь юун зусарч байх бүр шал эсрэгээрээ түс тас хүн шүү дээ.

Ямар хүн ийм сонин гүүр болоод явж байдаг юм бол доо?