Их Сургуульд элсэн орсон нь...

Энэ тухай бичихээр зарим хүмүүс энэ ТБ ямар бүтэлгүй новш вэ гэж бодох байхаа ва ха ха ха ха ха ха ха ха ха ха ха ха ха ха аха ха ха ха ха.

Байрнаасаа хөдөлсөн чулуу нэлээд хэдэн жил өнхөрнөө гэж......өнхөрч өнхөрч арай өөр мэргэжилтэй болохоор шийдлээ. Хамгийн эхлээд сургууль хайлаа.

Канадын бүх сургуулиудын цахим ертөнцөөр аялаад өөрийн хүсээд байгаа сургалтыг өгч чадах ганцхан сургууль байгааг оллоо.

За тэгээд энэ сургууль дээр 2 жилийн өмнөөс ажиллаж эхэллээ. Намар авах элсэлтэнд 1 сар гэхэд бичиг баримтаа явуулах байсан тул бичиг баримтаа явуулаад, TOEFL-ын шалгалт өгнө, оноо нь шууд очино гээд хэлчихлээ.

Франц хэлтэй орчинд амьдарч байж Англи хэлийг давна гэж бодоол инээж байгаал шалгалтанд орсон байдаггүй. Нисчихдийн байна.

Шалгалтын газраас маш дэлгэрэнгүй захиа ирлээ. За ТБ минь ээ чи ер нь Англи хэл мэддэг юм уу мэддэггүй юм уу л гэсэн байна шүү.

Нэлээд хэдэн доллараар шатлаа. Хөдөө амьдардагыг хэлэх үү. Монриал орж шалгалт өгөх энэ тэр гээд зардал их гарсаан. Хэлний шалгалтан дээр унасан ч нөгөө сургууль, мэргэжилий анги 2 маань зүүдэнд үзэгдээд, мөрөөдлийн үзүүрт цацраад байдаг.

Англи хэл дээрээ шаргуу ажиллахаар шийдлээ. English Grammar in Use Elementary-Advanced хүртэл English Vocabulary, Grammar, Pronunciation, Idioms, Phrasal Verbs, Collocation in Use гээд нийт 32 номыг цахим ертөнцөөс олж аваад, хэвлэж байгаад 2 сарын дотор үзээд дуусгачихлаа.

Өглөө 6 цагт ёстой жинхэнэ мөрөөдөлдөө хөтлөгөдж сэрнэ гэдэг л болдог байлаа. Торонто хотод очиж сурна, өөрийн хүссэн мэргэжилтэй болно гээд л өдөржин л Англи хэлээ үздэг байлаа.

32 номоо дуусгаад TOEFL-ийн 3 ном худалдаж авлаа. Нэг нь энэ, нөгөө нь энэ, бас нөгөөх нь энэ. Гурван номоо уншигчидын сэтгэгдэлийг уншиж байгаад авчихлаа.

3 номон дээрээ бас нэг сар ажиллаал, баахан ганцаараа яриал тэгээд дахиад TOEFL өглөө дөө. Өө өндөр оноо авлаа, тэнцлээ. Дахиад сургуульдаа материалаа явууллаа.

Монголд сурсан Их Сургуулиас баахан л бичиг баримт нэхдэгийн байна. Сургууль уруугаа холбогдлоо. Ямар ч байсан бүрдүүлээд явууллаа л гэлээ.

Тэр чинь одоо 2 сар шүү дээ. 3 сард Монгол явах ажилтай байдаг. За одоо илүү дутуу бүх юмыг бүрдүүлсэн орох байх гэж бодоод, бүх юмаа жин тан бэлдээд Монгол явчихлаа.

4 сард захиа ирлээ. 6 сард элсэлтийн хариу гарна гэлээ. 6 сар дууслаа. Би хүлээсээр. Баян-Өлгий явлаа. Сар шахуу яваад иртэл Уучлаарай таны бичиг барим дутуу учир элсэлтээс хаслаа гэдэгийн байна.

Би ч одоо тэр дороо муужирч унана биз дээ. Ямар ч бичиг баримт дутуу биш байхад юу байдаг билээ гэж мөн их бодлоо. Өөрийгөө ч загналаа. Өдий хугацаа өнгөрүүлчихээд ийм хариу сонсох амаргүй байлаа.

Бодож бодож тэнхимийнхээ эрхлэгч үрүү цахим захидал явууллаа. Би ингээд бүх бичиг баримтаа бүрдүүлсэн байтал намайг хасчихлаа. Би үүнд арай өөр хариулт авмаар байна яах вэ гэтэл миний захидалыг элсэлт хариуцсан хүн үрүү явуулчихлаа. Чи өөрөө бас дахиад тэр хүн рүү захидал явуул гэлээ.

Тэр хүн рүү нь захидал явууллаа. 3 хоногийн дараа хариу ирлээ. Таны бичиг баримтыг дахин үзэж байна. Эргээд хариу хэлнэ гэлээ. Би хүлээсээр...цаг явсаар...

Дахиад хэд хоногийн дараа таны бичиг баримт бүрэн байна. Манай ажилынхан таны сүүлд ирсэн бичиг баримтыг шинэчлээгүй байна гэдэг байгаа.

Би хэрэв хүүе хаая яав ийв гээгүй бол ингээд өнгөрөх байлаа шүү дээ. Одоо элсэлтийн ангид маш цөөхөн орон тоо үлдсэн. Таны бичиг баримтыг дахиж шалгаад, эцсийн хариу өгнө гэлээ.

Тэр хооронд би сургуульд орно гэсэн итгэлтэйгээр ажил төрлөө зохьцуулж байлаа.

Хэд хоногийн дараа та элсэлтийн шалгаруулалтыг давлаа. Таныг сургуульдаа элсэн авлаа гэдэг захидал ирлээ. Тэр чинь Монголд шөнө болж байсан, 8 сарын 10 шүү дээ.

Тэгээд л баярлаж хөөрөөд, билет хайгаад, олсон билет нь баахан газраар дайрах байгаад Японд саатаад, буцаж Инчон орж 2 хоноод барцадыг давж туулсаар Торонто хотод буусан даа.

Анх хичээлдээ орчихоод хичээл хэцүү байхад энэ бүхэн бодогдож, анхнаасаа л бүтэлгүй байж гэж их бодогдож байж билээ.

Одоо өөр болсоон. Энэ сургуулийг уйлж дуулж байгаад төгсөнөө. Мөрөөдөлдөө хүрнээ.