Ус

Ойрын хэдэн өдрүүдэд өнгөрсөн зун аялал, жуулчлалын салбарт ажилласан тухайгаа өгүүлнээ.

Хамгийн нэгдүгээрт энэ усны асуудал аягүй чухал санагдсан. Зун нийтдээ би 4 компаны аялалд явсан байна лээ. 5,6 дахь нь гарч ирээд л байсан. Арай ч амжихгүй юм билээ. Ялангуяа 7 сард бол бүр их эрэлттэй, сонголт ихтэй. 

Эхний явсан компани маань уух ус гэж өгдөггүй юм байна. Тэгээд одоо карманаасаа мөнгө гаргаад л ус авч уугаад яваад байх юм уу хаашаа юм бүү мэд. Хаа очиж дандаа жуулчины баазаар явсан болохоор би урд орой нь хар цай чануулаал, өглөө савандаа хийгээд л аваад яваад байсан. 

Дараагийн компаний аялалд явлаа. Нисээл говьд буусан чинь орчуулагчаа усаа аваарай гээл нутгийн усыг ёстой хроп хропоор нь нөгөө муу Делика дотор чинь бараг гурав хуваасны нэгд нь дүүргэчиж. 

Өө сайхан л байлаа. Бас маргааш усны асуудлаа зохьцуулна гэж бодохгүй. Компани бүр л дотроо журам, дүрэмтэй бололтой юм. 

Дахиад эхний компанийхаа аялалд явлаа бас л ус өгсөнгүй ээ. Жуулчид ч яахав дээ баазаас үнэтэй ус аваад уучихна. Би тэгэхийн бол тэгээд нөгөө өдрийн 25 000 төгрөг чинь будаа шүү дээ. 

Өмнө-говь, Хонгорын гол дээр +38C хүрчихсэн, ам хатаад юун нөгөө элсээд авирах манатай зүгээр бараг дуу гарахгүй болоол буцаад бааз дээрээ ирлээ. Аялалаа дуусгаад, компани дээрээ тайлан тавихдаа хэлж орхилоо. 

Танайх яагаад ус өгдөггүй юм бэ? Тэр говьд ёстой харангадах дөхсөн. Ундны ус өгөхгүй бол их л хэцүү юм байна гэж хэллээ. 

Ажилчид нь даргадаа өчсөн бололтой. Намайг дууддын байна. Зө нөхөөр юун ус мус яриад байна гэж байна. Би үнэнээ хэлсэн. 

Тэгсэн чинь манайх олон орчуулагчтай, олон аялал хийсэн. Бүгд адилхан маршрут, хангамжтай. Анх удаагаа ийм усны гомдол гарч байна. Чи тэгж их ус уудаг юм уу? Ямар сонин юм бэ гэсий ш дээ ва ха ха ха ха ха ха ха ха ха ха ха ха ха ха ах ах ах ах а ха ха ха. 

Хэдэн тэмээний бараа харж өссийн. Тэмээгээ бас дагадаг юм уу яадаг юм бүү мэдээ. 

Уг нь өдрийн хоолон дээр аль ч бааз ус өгөх юмаа. Даанч нээх жоохон ус, ганц хөнтрөөл дуусхын. Тэгээл ус яаж зохицуулах вэ гэж бодоостой. 

Монгол хүний сүжигээ бодсон ч хар усыг нээх тэгж хямагдаад баймааргүй л санагдсан ш дээ. Зарим жуулчид нь хэл, ам гаргах гээд л байх юм билээ. 

Майхантай аялал дээр бол нөгөө жуулчид чинь нэг литрийн цэвэр усаар бараг талаар нь амаа угаачихаж байгаам чинь. Цэвэр усаар амаа битгий угаа, зөвхөн уу гээд л орьлох ч бас хаашаа л юмб дээ. Санаа зовмоор л юм билээ. 

Жолооч нарын хувьд бас л хэд хэдэн компаний аялалд явдаг болохоор усаар хангадаг компаний аялал дуусхад үлдсэн усыг нь авч үлдээл тэгээл усаар хангадаггүй компаны аялалд яваал... гэх мэтээр зохьцуулдаг л юм билээ. 

Ус чандмань эрдэнэ. Хар ус харамлаж болохгүй гэж сайхан Монгол үг байдаг даа.