Багш нар

Эрүүл ахуйн хичээл заадаг Хятад багш болбоос баргил хоолойтой, ярьна гэж даам.

Энэ семестэрт 2 Ази багш хичээл орж байгаа. Нэг нь гоё ярьдаг Хятад багш, нөгөө нь инээмтгий Солонгос багш.

Хоёулангаас нь Ази сургалтын хэв маяг үнэртдэг юм. Гоё ч юм шиг. Уг нь манай сургуульд нэг Монгол профессор байгаа гэнэ шүү. Би даанч тэр багшийн заадаг хичээлийг үзэхгүй нь ээ.

Солонгос багш болбоос эмэгтэй, настай хүн байдаг юм. Манай сургуульд багшлаад 5 жил болж байгаа гэсэн. Инээд муутай, нэг юм ярьчаал инээгээл байна. Дээд курсийнхэн их ам сайтай юм байна лээ.

Дараагаар нь гоё ярьдаг Хятад залуу. Уг нь 20-той юм шиг л харагдана. Гэтэл салбартаа 12 жил ажилласан, бөөн л эрдэм номын зэрэгтэй хүн.

Анх орж ирээл за та нарыг би ёстой чангалаад өгнөө, та нар бодвол намайг дээд курсийнхэнээсээ асуусан л биз. Чанга гэж байгаа биз дээ, би чанга шүү гэж мэгээл…

Гол нь би энд бас нэг өөр багшийн тухай дурдах гэсэн юм. Канад эмэгтэй. Манайд 2 хичээл орж байгаа. Дүлий хүн.

Манай ангийхан бүр гайхаал дүлий хүн яаж хичээл орхын болоо гээл байв. Хичээл эхлэхээс 7 хоногийн өмнө энэ багш маань баахан даалгавар энэ тэр явуулчихсан.

Аймаар чанга багшын гарт орлоо доо л гэж бодож байгаа юм чинь…Ямар сайндаа би даалгаварыг нь хийчээд нөгөө хий гэсэн газар нь хийчээл эргээд ангидаа ирсэн чинь: Хүүхэн гуай дахиж даалгавараа хавтсан дотор хийх юм бол хүлээж авахгүй шүү гээл цахим захидал явуулчихсан байгаа юм чинь…Ангийнхандаа хэлсэн чинь ангайцгаав…

Хичээл орох өдөр боллоо. Би ч эрт ирээл сууж байв. Сайхан том биетэй өндөр хүүхэн ороол ирж байна.

Хичээл эхлэх боллоо. Жаахан сулхан ярих юм билээ. Өөрийгөө яаж ярьж байгааг сонсохгүй хүн чинь аргагүй биз дээ.

Харин манай ангийхан их хүндэтгэлтэй хандаж байгаа. Завсарлаал багш тэнд гэрэл асааж унтраангуут чишшшшшш гээл бие биедээ хэлээл хурдан чимээгүй болцгоож байна.

Багшийн тэр мэдлэг чадварын хувьд бол яриад хэрэггэй. Бүх л юм нь байна. Салбартаа улсынхаа хамгийн том төслийг авдаг хүн гэсэн. Гэр бүлтэй охинтой хүн гэнэ лээ.

Миний өмнө нэг эмэгтэй суугаал байсан чинь дохионы орчуулагч гэнээ. Ам нь ч ангалзаал, хуруу гар нь ч хөдлөөл байхын. Багш ч их сайн ойлгохын.

За ямар ч байсан 12 ширхэг 7 хоног хичээл ийм маягаар явах юм байна. Гол нь тэгээд би чинь их олон юм бодноо.

Бичгээр харилцахдаа их чанга мөртлөө нүүр тулахаар их зөөлөн хүн юм. Ер нь хоорондоо нүүр тулж уулзаж байгаагүй хүмүүс бичигээр харилцахдаа хоорондоо нүүр тулж уулзсан хүмүүсээс өөрөөр харилцдаг байх гэж бодлоо. Өөрөөр хэлбэл хатуу гэсэн үг л дээ.

Бас нэг зүйл нь дүлий хүн ийм амжилттай явж байна гэдэг чинь улс, нийгмийн ач мөн үү? Мөн биз дээ. Канад энэ тал дээрээ маш сайн. Аргагүй дээ, ажил хийдэг хүмүүс нь 45 хувийн татвар төлдөг болохоор ийм юманд зарцуулахаас өөр аргагүй.

Дараагийн жишээ нь манай энэ айлын авгай. Хөл муутай, тахир дутуу биш гэхдээ алхаж чадна, гүйж чадахгүй, жирийн хүн шиг сагсан бөмбөг энэ тэр тоглож чадахгүй. Түнх энэ тэртээ л байгаа байх.

Гол нь цаадах чинь энд ирээд хэл сураал өөрийнхөө мэргэжилээр ажил олоод хийчихсэн. Шүдний эмчийн туслах хийдэг гэсэн.

Гэтэл нөхөр нь эрүүл саруул хүн. Барилгын инженер. Чухам тэр Дубайд чинь гялалзаж явсан л хүн юм гэнэ. Энд ирээд юун мэргэжилээрээ ажиллах, хэдэн жил хар ажил хийгээд одоо бүр аргаа бараад эндхийн дипломтой больё гээд колледж-д сурч байгаа.

Гэх мэтээр хэгжилийн бэрхшээлтэй хүмүүсээ анхаарч ханддаг нь сайхан юм. Манайд яахав дээ, хөгжилийн бэрхшээлтэй байтугай бэрхшээлгүй хүмүүс амьдрах гэж шүдээ зууж байхад хөөрхий тэр хүмүүс ч бүр хэцүүддэг биз дээ.

Миний мэдэхийн ийм нэг мундаг эмэгтэй байдаг.

Бас нэг ийм мундаг залуу байдаг.

Энэ манай багш.

Хичээл зааж байгаа багшийгаа, энэ хүмүүсийг хараад зөндөө л их юм бодогдох юм. Бид тийм юм байхгүй байна, ийм юм байхгүй байна гээд л сууж байхад…тэр байтугай дутуу хүмүүс сайхан болоод л явж байх юм. Эрүүл энхийг хүсэн ерөөе!