Энэ бол амьдрал

Би чамд хайртай гэж хэлэх гэж байгаа юм шиг нээх тойруулж байж ингэж хэлэвээ.

Манай Орос хүүхэн би чамд нэг юм хэлнэ л гээд байсан чинь НУТАГ БУЦАХ БОЛСООН гээд нам дуугаар хэлж байна.

Одоо нөгөө хичээл сургуулиас авхуулаад зөндөө л их юм байна. Гэхдээ гол нь энэ нутагт хөлөө олох, өөрийн оронд сурч, эзэмшсэн мэргэжилээрээ ажиллах ямар хэцүү байдагыг цухас өгүүлэе.

Манай Орос хүүхэн нөхөр, хүүтэйгээ 5 жилийн өмнө Торонтод ирсэн байдаг. Нөхөр нь тархины мэс засалч, манай хүн өөрөө арьс өнгөний эмч.

Мэдээж Курганд олон жил ажилласан, туршлагатай эмч нар.

За эхлээд нөхөр нь хэл ус сураад, эмч л болно гээд хэдэн сарын курс мурст ч сурч. Мань эмэгтэй өөрөө гэр зуур байж байгаад жилийн дараа охинтой болж.

Энэ хооронд нөхөр нь шалгалт шүүлэг өгч, явах ёстой газараар нь яваад л байж. Жаахан найдваргүй болоод ирэхээр нь 3 жилийн өмнөөс нөхөр нь Америкт эмч болохоор тэнд очиж мөн л сургалт, курс гээд баахан явж. Энүүгээр ч мөн хөөцөлдөөл байсан гэж байгаан.

Таван жил бараг зогсоо зайгүй сурч, шалгалт өгсөн юм ярьдаг. Гэхдээ гол нь тийм богино хэмжээний курст сураад байсан юм шиг байгаан.

Урт хугацааны юманд суух ёстой ч байсан юм уу бүү мэд. Ар өврийн хаалга бодож ч явсан юм уу бүү мэдээ бүү мэд.

Таван жилийн хугацаанд манай 2 нэг ч ажил хийгээгүй. Эндхийн нийгмийн даатгалын мөнгөөр амьдарсан гэж байгаа юм. Охинтой болоод хүүхдийн мөнгө авсан байх. Тэгээд л бусад нь дан нийгмийн даатгалын мөнгө.

Хүүхдийн цэцэрлэг, манай хүүхний их сургуулийн төлбөр бүгд Канадын засгийн газарын мөнгө. Яс юман дээрээ нөгөө ажил хийдэг хүмүүсийн 45 хувийн татвар нь гэсэн үг л дээ.

За тэгээд 5 жил хөөцөлдөөд, араас нь гүйгээд өнгөрсөн 9 сард Канадад, 10 сард Америкт эмчийнхээ мэргэжилээрээ ажиллаж боломжгүйгээ мэдээд нөхөр нь 11 сард Курган явсан юм.

Аз болоход тэнд ажилын байр байсан. Мань хүн өргөдөлөө өгчихөөд буцаад ирсэн. 10 хоногийн дараа ярилцлаганд дуудаад, сарын дотор 2 удаа Курган явж ирэв.

12 сард ажилын ярилцлагынх нь хариу гарч, нөхөр нь 12 сараас хойш тэнд ажиллаж манай хүүхэн энд 2 хүүхэдтэйгээ амьдарваа.

Мэдээж 2 газар байдаг гэр бүл ямар таатай байхав. Нөхөр эхнэрийг уярааж, манай хүн араас нь явахаар болчихоод сууж байна гэнэ.

Манай хүн ч өөрөө очоод арьс өнгөний эмчээрээ ажиллах юм байх. Гэхдээ цаадах чинь явах дургүй.

Таван жилийн хугацаанд энэ хэд Канадын давхар иргэншил авсан. Үүгээрээ хүү нь буцах дургүй байхад нь уяраасан гэж байгаа юм.

Манай Орос бүр инээгээд байгаан. Манай нөхөр бүр яг ингэж хэлсэн гээд...Миний хүү: Орос орон бол эх орон чинь хамгийн том газар нутагтай. Канад бол өссөн нутаг чинь. Оросын дараа орох том газар нутагтай. Чи энэ 2 том орны иргэншилтэй байхад хаа ч явж болно.

Ингээд хүүгээ уяраагаад, хүү нь зөвшөөрөөд, манай хүүхэнийг бас юу гэсэн ч гэнэв дээ том байшин майшин яриал байсан кккккк.

Мэдээж Орос орны их сургуулийн сургалт манайхыг бодвол чанартай л байх. Тэгэхэд манай МУИС-д докторын зэрэг хамгаалсан хүн энд үйлчилгээний ажил хийж явах бол нэг их сонин биш, тийм үү?

Энд сайн ч муу ч гэсэн ядаж дипломтой байхад за яахав дөнгөж нэг ажилын үзүүрээс зуурна. Гэхдээ тэр дипломыг чинь доод тал нь 2 жил сурч байж авна. За тэгээд дээшээ баклавар, магистар гэвэл бүр чангарна.

Манайхан 3 сарын дотор таныг тийм мэдлэг, ийм чадвартай болгоно, яана яана билээ. Бас л айн. 3 сарын дотор тийм болчихдог бол тиймээ? Их сургууль мургуулиар яахын, тийм биз дээ? Жаахан хөрсөн дээрээ буух хэрэгтэй ш дээ.

Би энд ирээд Франц хэл сурчихаад дэлгүүрт ажилд ороё гээд очсон чинь дэлгүүрт зөвхөн дипломтой хүмүүс ажилладаг. Та баклаварын зэрэгтэй юм байна. Таныг цалинжуулж чадахгүй гэж хэлсэн шүү дээ.

Яс юман дээрээ чиний наад баклавар чинь манай дипломтой ч тэнцэхгүй ээ л гэж хэлсэн байгаа байхгүй юу. Юм тийм нарийн.

Зөвхөн өөрийнх нь сургуульд сурч төгссөн боловсролтой хүнийг дэмждэг байхад манайхан алив тэр орны тийм сургууль төгссөн бол ажилд авна гэж ирээл зар тавьна. Үнэн аймаар.

Одоо тэгээд тэр дотоодод сургууль төгссөн хүмүүс нь яахын? Хүн болгон адилгүй, Хүлэг болгон жороогүй гэдэг биз дээ.