Канад улсад суралцах тухай

Канад улс 34. 88 сая хүн амтай бөгөөд 100 гаруй их сургуультай.

Газар нутаг том учираас 10 мужуудад хуваагддаг. Хэлний хувьд Франц болон Англи гэсэн албан ёсны хоёр хэлтэй.

Франц хэлээр ярьдаг ганц мужтай, Кюбэк. Бусад мужууд нь Англи хэлээр ярьна. Тэгэхээр эндээс мужаар нь их сургуулиудыг нь харж байгаад сургуулиа олж болно.

Улс дотроо Торонтогийн Их Сургууль, McGill Их Сургууль хоёр нэр хүнд, чанар чансаагаараа нэг хоёрт явж байдаг.

Торонтогийн Их Сургууль Торонто хотод, McGill Их Сургууль Монриал хотод байдаг. Франц хэлээр ярьна.

Манайхныг харж байхад том хотуудад л их суралцаж байдаг. Монриал бол арал дээр байдаг, жижигхэн яг арал дээрээ 2 сая хүн амтай, цэвэрхэн. Хүмүүс ярихдаа Европжуу хот гэж ярьдаг.

Хүйтэн болохоор халуун орны хүмүүс ховор. Европууд их. Бас Франц хэлээр ярьдаг Африкууд их.

McGill Их Сургууль нь Англи хэл дээр хичээлээ явуулдаг. Мөн Guy Concordia Их Сургууль бий. Мөн Англи хэл дээр хичээлээ явуулдаг. Дажгүй сайн сургууль. Франц хэлээр сурья гэвэл Монриалын Их Сургууль мөн Кюбэкийн Их Сургууль гэж бий. Сайн л сургуулиуд.

Торонто хотод сургууль олон. Онтарио мужийн зарим сургуулиуд гэсэн үг. Хүн ам олон хаа ч явсан өмнө хүн тээглээд алхахгүй шүү дээ. Тал дээр харсан зүг рүүгээ давхиж сурсан над мэтийн хүнд жаахан бухимдмаар л байдаг.

Оттава бол нийслэл хот болохоор засаг захиргааны нэгжүүд их. Хүн ам цөөтэй. Тайван, амгалан газар шиг санагддаг. Оттавагийн Их Сургуульд бас хүмүүс их сурдаг юм билээ.

За тэгээд бусад мужуудад нь бас сургуулиуд бий. Би одоо өөрөө тэнд сурч байгаагүй болохоор сайн хэлж мэдэхгүй байна. Цахим холбоосоор нь ороод судалсан нь дээр байх.

Ажил хийгээд сурахын хувьд бол ер нь жаахан ярвигтай. Ер нь цагаачид ихтэй болохоор өрсөлдөөн их.

Би зун хичээл багатай болохоор ажил хийх санаатай ажил хайж л байна. Тэр үеэр бас мэдээлэл өгье.

Амьдарлын өртөгийн хувьд өндөр гэж ярьдаг юм. Гэхдээ Монголд ч бас өртөг өндөр болсон байна лээ шүү. Чанартай юмаа үнэлээд байгаа юм уу, чанаргүй юмаа үнэлээд байгаа юм уу бүү мэд.

Төлбөрийн хувьд бол ер нь Монголтой харьцуулахад харьцангүй өндөр шүү. Эндэхийн байнгын оршин суух виза буюу үнэмлэхтэй бол иргэнтэй нь адил төлбөрөөр сурдаг. Гадаад оюутан бол хэд нугарна.

Жишээ нь манай сургуулийн дотоод оюутны төлбөр жилийн 6000 канад доллар байхад гадаад оюутны сургалтын төлбөр 22 000 канад доллар байх маягтай.

Мэргэжилээсээ бас хамаарч хэлбэлзэнэ. Инженер, эмч гэвэл тэгээд бас өснө.

Дээрээс нь сарын хэрэглээ гэвэл жишээ нь Торонто хотод сарын 700-1000 Канад доллар гэж тооцож болно. Хотоос зайдуу нэг өрөө 400-500 доллар, Метро сарын 106 доллар. Хоол сарын 100-150 доллар. Гар утасны төлбөр сарын 50 доллар.

Энэ бол гадуур хооллохгүй, гадуур зугаалахгүй, яг гэр сургууль гэр гэсэн маршрутаар тооцож байгаа өртөг шүү.

Анх ирж байгаа оюутан бол тогоо шанага, ядаж л нэг ус буцалгагч, будаа агшаагч энэ тэр гээд нарийн ширийн зардал эхний удаад их л орох байх.

Уг нь манайхан цээрлэхгүй бол Second hand дэлгүүрээс л юм аваад болгочихмоор юм шиг. Даанч сэтгэлд сэвтэй эвгүй байдаг тиймээ. Тэгэхээр зузаан түрийвчтэй ирээрэй гэж захья.

Ер нь тэгээд сургуулиа олоод сургуультайгаа шууд харьцаад, юу болох юу болохгүйгээ мэдэж аваад зүтгэвэл тэгээд бүтнэ дээ бүтнэ.

За өөр мартсан зүйл байвал асуугаарай. Мөн temeechinbusgui@gmail.com хаягаар лавшруулах зүйл байвал асууна бизээ.