Манай хонтоорынхон

Манай үүдний хүлээн авагч Канад эмээгийн төрсөн өдөр болоод тэгсэн чинь 80 хүрч байна гэж хэлээд намайг ухаан алдуулав ш дээ.


Үгүй ээ нээрээ 80 настай ингээд нэг хонтоорт сууж байвал ч тэгээд 100 наслах төлөвлөгөө амжилттай л гэсэн үг шүү дээ.

Нөгөө хүлээн авагч нь Хятад эмээ байдгын. Цаанаа нэг Ази ааш зан харагдаад байдгын. Гэхдээ нас нь 60 хол гарсан байхаа.


Манай ажилынхан гэж бөөн цагаан хоолтон. Надаас өөр мах иддэг хүн байна уу үгүй юу бүү мэд. Ядаж байхад байж байгаал мацаг барьдаг өдөр гээд юу ч идэхгүй намайг ичээх юмаа, энэ Шри Ланкнууд цаашид ШИЛ гэнэ.

Би бүр сүүлдээ санаа зовоод нэг өдөр цагаан хоолтон болдым уу гэж бодож явж байснаа гэртээ орж ирээл АЗ-аас мах, өөх нэхлээ ш дээ. Үнэн бүтэхгүй ээ нээрээ.

Хаа явсан газар би жаахан цахим тооцоолуурын мэргэжилтэн болчих гээд байдаг талтай. Өглөө дарга хамгийн түрүүнд дараа нь би ирнэ. Тэгээл ирээд гайгүй юм хумаа янзлаад сууж байтал манайхан орж ирээд дэлгэц асахгүй байна, тэр ингээд байна гээл цувраад над дээр ирнэ.

Канад эмээ дувт хэвлэгч машинтай зодолдоно. Би очоод янзлаад өгхөөр би ёстой дэндүү хөгширчээ л гэнэ. Тэгхээр нь би энэ муу тэнэг машинууд л байхгүй юу гэж хэлнэ. Тэгхээр намайг тэвэрч авна.

Канад улсын олон янзын цагаач орогнуулж байгаагийн нэг том давуу тал нь маш бага цалингаар хүнд хар ажил хийлгэж байна шүү дээ. Гэхдээ мэдээж хөдөлмөрийн хөлсний доод хэмжээгээс өндөр. Бага цалинтай, 8 цаг босоо ажил хийнэ гэдэг ч амаргүй шүү дээ. Боловсрол юм байхгүй болхоор эндээс гараад ажил олдохгүй, хэцүү хүнд гэсээр 15, 20 жил болж байнаа л гэхийн. Өрөвдөх ч шиг хайрлах ч шиг.

Манай тэр Ерөнхийлөгч байж байгаа нь нэг зальтай царайтай. Герман хүмүүсийг ёстой мэдкүүмаа. Ямар ч байсан 5 дахь өдөр болгон бид нарт гого нарийн боорцог авчирч өгдийн. Нэг л өдөр ТБ чи энийг хий гээд нүүр тулах байх даа гэж айгаастай. Тэр өдөр хол байгаасай.

Манай механик нэг Турк залуу бий. Тэр бид 2т Чингис Хаанаас авхуулаад ярихгүй юм байхгүй.

Би гэж нэг л шинэ юм хум бүтээх үүрэгтэй хүн. Нөгөө муу хэдэн ШИЛ-нүүддээ санаа зовоод яаж нэг 2-3 явдаг ажилыг нь багасгая даа гэж бодоод Турктэйгээ хамтраад нэг ажил туршиж байсан чинь нэг ШИЛ нь ирээд энэ болохгүй, аюулгүй гэж уур хүргээд, Хөдөлмөр Хамгаалалын мэргэжилтэнтэй аюултай, аюулгүй гэж үзэлцэнэ гэнээ.

Нөгөө бид 2-ын туршсан юм нэг л болхи санагдаад Монгол аргаар л нэг үзий даа гээд бодоод бодоод толгой ажилладаггүй ээ.

Нэг түүх дурсахад нөгөө өмнө ажиллаж байсан уурхай дээр манай хэдэн уурхайчид нэг юм зангидах гээд нөгөөх нь тайлагдчихаад аргаа бараад сууж байхгүй юу. Тэгээд би хараад байсан чинь тооно туших нь хамгийн сайн санагдаад гүйж очоод тооно тушаад өгчихсөн чинь миний нөгөө арга чинь маш сайн үр дүнд хүрээд би чинь эндхийн сонин дээр бичигдсэнтэй адил өндөрт ниссий ш дээ.

Тэрэн шигээ нэг Монгол аргаар л энэ шийдэгдэхгүй байгаа юмыг нь шийдээд өгчихмөөр санагдаад л байхын. Миний ажил гэж зуун задгай, дээрээс нь дандаа сэтгэн бодох чадвар энэ тэр шаардсан юмнууд. Бодоол байна бодоол байна.

Манай санхүүгийн дарга гэж нэг ганган Орос авгай байгаа даа. Тэр авгайг хархаар л Монголд байгаа ч юм шиг. Манай нөгөө талхны цехийн орчинд нийцэхгүй ганган ш дээ.

Нэг тийм соёлын ялгаа байнаа. Нэг ажил өгхийн би ч юу юугүй түргэн шуурхай хийгээд өгчихийн тэгэнгүүт хүүшээ чи хийцийм үү дуусцым уу л гээд орьлоод байхын. Монголд байсан бол чи яасан удаан еэн гээд загнуулий ш дээ.

Тэгсэн чинь тэр зан маань гай болов бололтой харин өөр хэлтэсийн хүн гүйж ирээд ТБ чи энийг гялс хийгээд өгчих гэдэг байгаа. Шинэ дээрээ явж байгаа болхоор үгүй гэж хэлж чадсангүй, хийгээл өглөө. Тэгсэн чинь дуусцан уу гээд ангайгаад байхын.

Нэг юм хийж байгаа гээл суугаад байхынмуу яах ёстойн мэдэхгүй ээ. Эндхийн засгийн газарт нь ажиллахын бол бүр удаан гэсий ш дээ.

Ази хүмүүс цаанаа нэг цэвэрч юмуу тийм нийтлэг шинжтэй ч юм шиг. Манай Хятад эмээ бид 2-ын ширээ гэж цэмбийсэн юм байдгын ш дээ. Нөгөөдүүл байхгүй ээ, ширээ мирээ нь агсан согтуу тавьсан юм шиг л юм харагдахын. Энэ хүмүүс надаас сураасай гээл хэлээрээ биш биеэрээ үлгэр дууриалал үзүүлэх гэж хичээх юм даа.

Манайхан чинь доод тал нь 10 гаруй жил ажиллаж байгаа болхоор би гэж нэг хүн ирээд гэв гэнэт өөрчлөлт, шинэчлэлт гээд орьлоод байгаа ч юм шиг. Заримдаа тийм нэг тогтсон цар хүрээг эвдэх гээд би гэдэг хүн гадаа байгаа ч юм шиг мэдрэмж төрхийнмаа.

Энэ хэдэн ШИЛнүүдтэйгээ уусаад нөгөө өөрчлөлт, шинэчлэлт, шинийг эрэлхийлэгч санаа маань уусаад алга болох вий дээ гэж бас санаа зовхынмаа.

За тэгээд өдөрт 3 цаг нийтийн тээврээр зорчиж ядарч байгаагаа дурдаад яахав, дараагийн бичлэг хэрхэн яаж хөл залгуулах унаатай болох ба түүний хатуу, хөтүү чанарууд.