Тооны шалгалтын паян

Хэдэн тооны шалгалтын ард гарах гэж дээ үгүй ээ мөн их зугаатай юм болж байна.

14 хоногийн өмнө Физикийн шалгалт өгсийн. Open Book Exam л даа. Тоогоо аваал манай ангийнхан ном дэвтэрээ шаржигнатал эргүүлсэн чинь манай Иран багш загнаад, боль та нар наад дэвтэр дээр чинь нэг ч адилхан тоо байхгүй. Наад бодлогоныхоо өгөгдөлийг хар гээл загнасан.

Би баахан дэвтэрээ эргүүлж байгаад нэг нэлээд төстэй бодлого олоод нээгээд тавьчихлаа. Нөгөө өгөгдөлийг нь баахан харж байгаад, мэдэхгүй хаанаас ч юм авьяас гарч ирээл бодож өглөө.

Бодож бодчихоод сууж байсан чинь багш хажуугаар гарсанаа Velocity pressure байх ёстой ш д ээ чи яагаад velocity бодчихоод суугаад байгаан гэж авч байна.

Нөгөөхөө харсан чинь өгөгдсөн тоог шууд хуулаад тавьчихсан байгаам чинь би тэнэг. Багш одоо бэлэн тоо өгчихөөд нэмж, хасч, хуваа гээгүй нь ойлгомжтой биз дээ.

Дахиаал нөгөө томьёогоор нь баахан бодсон чинь нээх их тоо гарчихаад болдоггүй. Аравтын тоо гарах байтал мянгатын тоо гараад байдаг. Тэгсэн багш хажуугаар явсанаа наад Meter-ээ Feet-рүү шилжүүлээчээ гээл загнасан.

Арай гэж нэг ухаан ороол араас нь хөөгөөл бодож байтал цаг ч дууссан. Нэлээд айж байсан гайгүй онц авсан байна лээ.

Өнөөдөр бас нэг статистикийн хичээл дээр явцын шалгалт өгөөд. Миний  зүүн гар талд манай ангийн Африк хүүхэн. Цаадах чинь тоо моог аймаар бодно. Би шалгалтны өмнө үнэнээ л хэлсэн. Би тоог чамаас хуулна шүү л гэлээ. Нөгөөх чинь санаа зоволтгүй л гэжийн.

Би тестээ харж байгаал тоо гараад ирвэл орхичихоол тестээ бөглөөл суугаад байлаа. Манай хүн тооны машинаа тачигнуулаал, бодоол байна бодоол байна. Нэг тоог бодчихоод а нь гээд тавьчихсан байснаа дахиж засаад с болгосноо над уруу тохойлдож ирээл харуулсы ш дээ нээх хөөрхөн.

Тэгээл бодоол явж байснаа манай хүн 2 тоон дээр гацчихдын байна. Би баруун гар талынхаа хүн рүү харсан нөгөө 2 тоог дугуйлчихсан байна шүү.

Тэгэхээр нь өөрийнхөө  тестэн дээр дугуйлж тавьчихаад нударлаа даа. Манай хүн харсанаа чи яаж гаргасын гээл бичээтхэж байна. Тэгэхээр нь би зөрүүлээл бичлээ.

Хажуу талын залуу л гаргасан байна гэсэн чинь за за ойлголоо л гэсэн. Тэгээл бид 2 хоёулаа тэр залуунгийнхаар 2 тоогоо дугуйлсан даа.

Би түрүүлж гарч ирчихээд Баярлалаа энэ тэр гээд смс бичсэн чинь өмнөөс чамд ч бас баярлалаа гэж хариу ирүүлсэн ш дээ.

Явцын шалгалтыг лекцийн танхимд авдаг болохоор нэг иймэрхүү боломж гарч мань мэт хуулж энэ тэр болж байгаан. Жинхэнэ шалгалт бол тийм юм байхгүй. Одоо тэгээд бор толгойндоо л найдна даа.