Баярлалаа

Монголоос хүмүүс мэндчилгээ дэвшүүлээд сэтгэл хөдлөөд нэг ая дууны хундага өргөчихдөг юм бил үү дээ.


Ойрд өглөө босоол энэ дууг сонсоод байгаа. Хөөрхөн донжтой гэдэг нь.

Яасан ч хөөрхөн хөөрхөн юм бичдэг юмб дээ энэ хүмүүс. Би ч их амархан юманд баярладаг, хумсын чинээ зүйлд хотойтлоо сэтгэл ханадаг хүн дээ.

Өнөө шөнө энэ их олон мэндчилгээг нь уншаад унтах шинжгүй ээ. Сэтгэл хөдлөөд юу юугүй вальс эргэмээр хэ хэ хэ.

Насны намба энэ тэр тогтох гэдэг ч бил үү тэгээд энэ өндөрлөгөөс хэдэн үг хэлий дээ хэ хэ хэ.  (Ам хамраа арчаад хоолойгоо засав) Юу л даа. Энэ дууны үгэн дээр гардаг шиг л юм хэлэх гэсэн юм.

Бодоол байхаар зэрэг хүнд ер нь хүнээс өөр нандин зүйл хаа байнаа. Юун тэр эд хөрөнгө энэ тэр тиймээ. Хүн хүнээ хайрлаж, хүн хүндээ хайртай явбал ай даа тэгээд хүн бүхэн л аз жаргалтай явах байх даа.

Би одоо өөрөө гэгээрээд дууссын байлгүй, хүн жаахан эвгүй юм ярихаар найз минь жаахан гэгээлэг, өөр талаас нь харвал ийм сайхан, тийм гоё байж болно энэ тэр гэж ярьдаг болсон байна лээ ш дээ ва ха ха ха ха ха ха ха ха. Энэ чинь одоо том дэвшилт биз дээ.

Дараагаар нь хүний сэтгэлийг ихэд олон талаас нь хардаг болчихоод байгаа. Хүн эд хөрөнгөгүй, гар дээрээ таван цаасгүй байж болно. Тэгвэл тэвэр дүүрэн, сэтгэл бялхам, зүрх догдлом их сэтгэлтэй байхад бусад бүхэн сайхан байх болно гэж итгээд нүдээ аниал зүтгээд байгаа.

Хүнд сэтгэлээсээ хандаж, хумхын тоосын чинээ зүйлийг ч сэтгэлээсээ хардаг, үнэлдэг бол энэ их агуу шинж чанар юмуу даа.

Хоёр хоногийн өмнө ээжтэйгээ яриад бид 2 бие биендээ урьдчилаад мэнд хүргэчихсэн. Миний хөөрхөн ээж нь өглөө гимнастикаа хийгээл, ач нараа хараад л, дуу аялаад л , хааяахан муу охиноо саначаал тэгээл гялалзаж байгаа мундаг ээж шүү.

Маргааш нэг амарч аваал нөгөөдөр хичээлдээ марш. 4 улирал хичээлийн ард гарлаа. Одоо ганцхан юу  юм бэ тээн. Инээж байгаад давна биз дээ. Гэхдээ энэ удаа бүх хүчээ шавхаад илүү их хичээх, шамдах ёстой.

Мэндчилгээнүүддээ дарагдаад эхнээс нь баярласан талархсанаа илэрхийлэхгүй бол болохгүй нь. Сайн сайхан саар бүхний үзүүрт зогсож байдаг, жаргал зовлонг минь бүгдийг хуваалцдаг уншигч болон блогчиддоо талархлаа. БАЯРЛАЛАА.

Миний бичлэгүүд хичнээн цаг хугацаа, орон зайг туулж танд хүрч, баяр баясал гунигийг алинийг нь авчирдагийг би таашгүй.

Тэмээчин Бүсгүй