Хулан бид 2

За Хулан ч арай биш юмаа. Айлын авгай бид 2. Бас Ирланд хүүхэн бид 2.

Өдрөөс өдөрт, цаг хугацаа урсах тусам айлын авгай бид 2 бас Ирланд хүүхэн бид 2 ижил дасал болж, эгч дүүсийн зузаан барилдага үүсгэсээр...

Би чинь одоо айлын авгайгаар аягаа угаалгадаг байсан бол бүр хувцасаа угаалгадаг болчихсон. Нээх санаа зовмоор. Наанаа тавьчих би угаачихна, чи хичээлээ хий эсвэл амар гээл тэгнэ.

Сая ажилынхаа хувцасыг угаая гээд бариад явж байсан чинь айлын авгай шүүрээд л авлаа. Би угаачихнаа. Чи бие даалтаа хий гэнээ.

Би гэж нэг хүний өмнөөс ажил хийж, сургуульд сурч байгаа хүн шиг. Бүр санаа зовхын. Би чинь одоо гоо сайхны салон малон гээд гүйгээд байдаг эмэгтэй ердөөсөө биш шүү дээ. Айлын авгай хөмсөг засч өгнө, бас хөл гарын хумс янзалж будаж өгнө. Нэг тийм юм авмаар байна гэхээр тийм газар тэндээс очоод аваарай л гэнэ.

Амардаг 2 өдрөө хоол хийх гэхээр л надад лууван дутчихаад байхын. Нэг лууван өгөөч гэж байгаал лууван авдаг болсон. Сармис сонгино байнга дутна. Эхлээд хэлдэг байсан бол одоо бүр хэлэхээ байсан, шууд л авдаг болсон. Тэгж байгаад нэг кг сонгино сармис авна даа гэж бодсоор л…

Намраас хойш нэг хар перц авья гэж бодсоороо байгаад айлын перцийг хэрэглэсээрээ байгаад төгсөх нь ээ, хэ хэ хэ. Бурхан: Би чиний өмнөөс санаа зовоод л байна ш дээ, хүүхээн.

Би их хэмжээний мөртлөө хямдхан сүү авдаг юм. Өглөө болгон нөгөө сириалаа бас буудайгаа чанаж иднэ. Тэгсэн дээр миний сүү гашилчихсан байсан чинь айлын авгай намайг одоо чи битгий сүү авч бай. Манай сүүнээс ууж бай гэсэн. Тэгж байгаад нэг сүү авчирч өгнө дөө гэж бодсоор л байгаа шүү, хэ хэ хэ.

Бодоод эхэлсэн байнаа гэдэг чинь хийхийн эхлэл мөн биз дээ хүмүүсээ.

Айлын авгайн хамгийн том мөрөөдөл нь Монголд зочлох болсон гэсэн. Мөнгөө хурааж байгаад над дээр зочилно л гэж яриад байгаа, нээх хөөрхөн.

За одоо  тэгээд манай Ирланд хүүхэн. Би ч одоо бараг хоол унд байгаа юмнаасаа илүүчилдэг болсоон. Яахав яахав юм байхдаа байгаал байхгүйдээ байхгүй л байна биз, тийм биз дээ. Хөөрхий минь хоол хийж мэдэхгүй болохоор нь өрөвддөг юм.

Цаадах чинь уг нь хувцасаа их гоё тохируулж өмсөнө. Заримдаа дэндүү эрээн мяраан болчихсон явж байдгын.

Ойрдоо надад тэрийгээ энэнтэй өмс, үүнийгээ энэнтэй өмс гэсээрээ байгаад би одоо бараг энэ мээмчикэн дээр энэ углааш болж байна уу гэж асуух дөхөөд байна.

Дээрээс нь миний бие даалтын дүрмийн алдааг засч өгдөг хүн шүү дээ. Заримдаа чинь би ажилаасаа 5 гэж тараал удаан алхсаар байтал 7 гэж гэртээ ирээл хичээлээ хийгээд шөнө 12 гэж  дуусна. Тэгэхэд би засаад өгье гээл хүлээгээд сууж байдаг болсон. Нээх хөөрхөн.

Цаадах чинь бас ээмэг зүүлт мүүлт нэг түгжээ мүгжээ нь мултарсан юмыг янзлах авьяастай. Би ч илүү дутуу хамаг юмаа л янзлуулж байна. Өөрөө ч дуртай юм. Инээгээд л янзлаад байна.

Манай Ирланд хүүхэн бас л Монголд очино. Чам дээр зочилно л гээд байгаа. Тэгээрэй, манайд байгаарай. Сайхан дайлна л гээд байгаа.

Би гэж нэг баахан хүн хар урьсан хүн. Монголд очоод зун болгон л нэг хүн угтаж авч эх орноо үзүүлэх ажилтай болж байна даа.

Нөгөө агсам хүүхний оронд нэг хар оюутан охин орсон. Нигер улсаас ирсэн гэсэн байхаа. Сайн танилцаж амжаагүй л байна. Сая лав намайг ердөөсөө харагдахгүй еэн гэнээ. Цагийн ажил, хичээл 2 үнэхээр завгүй байлгаж байнаа л гэлээ. Харууд туранхай ч гэсэн бөгс, хөх сайтай юмаа тээн. Шүүрс алдмаар.

За за нэг бичлэг бичиж санаа амарлаа. Одоо бие даалтаа хийе дээ.