Хорхог

Нэг өдөр илүү амраад салхинд гарч хорхог хийж идэв ш дээ.


Битүү митүү чанагддаг юм болохоороо энэ хорхогны сайхныг ээ та минь ээ.

Хэдэн жил хорхогны битонтой болно гэж ярьж ярьж ярьж үлгэр маань биелэлээ оловоо. Орос дэлгүүрээс бид 2 хорхогны битон авах гээд очсон чинь нэг Бабушка зогсжийн. Өмнөөс Оросоор дуржигнуулаад болдоггүй.

Ганц 2 үг хэлэх гэсэн чинь орж ирдэггүй. Хаанаас ирсэн гэхээр нь Иркутск гээд санаанд орсоноо хэлчихсэн чинь би яг тэндээс ирсэн гэж авдын ва ха ха ха ха ха ха ха ха.

Тэгээд баригдаад, энэ битон ёстой сайн майн та хоёр 25л-ийнхийг нь авчих гээд ёстой авч өгчийнөө. Өмнөөс нь Оросоор ярьсан бол аягүй бол 40-ийн битоноо шахах шинжтэй.

Тэгээд 62 дойлуураар 10л-ийн битон аваад илүү амралттай өдрөө хүлээж байгаад Австрали хоньны мах авч хорхог хийлээ ш дээ.

Цаанаа л нэг зөөлхөн, сайхан болхымаа энэ хорхог.



Хорхого тавьчаад байж байгаа нь

Манай гурван гэр бүлд яг таарч байна лээ. Хэдүүлээ амаа олохгүй л хэн энэ хорхогыг зохиодог байнаа гээл идээд байх нь тэр.

Утаа мутаа үнэртээд сайхан гэж юүхэв. Халуун чулуу баахан бариад, хий хураа арилгалаа ш дээ.

Гал цаанаа нэг сайхан дулаан энергитэй шүү

Уг нь энэ зүлгийг нь түлж болохгүй л дээ. Хамгаалсаар байгаад жоохон түлчихсээн. Энэ хужаа мах шарагчны сав арай л бишээ. Иш нь бүр хайлаад унасан хөөрхий.

Дахиад нэг мах шаруулах нь уу үгүй юу. Тэгэхэд манай Орос ах нарын битон бол насаар минь л хорхог идүүлэх байх даа.

За ингээд хорхогоо гаргах гэж байна

Шөл жаахан муутай болсон. Дараа бүр гоё шөлтэйг хийнээ. Цагийг нь урт тавьсан байна лээ. Энд чинь хорхогны чулуунууд хагараад байдаг. Сайн чулуу олно гэдэг бас л ажил шүү дээ.

Ингээд л идсэн юм даа

Угаасаа бага малын мах зөөлөн ч байсан байх. Дээрээс нь энэ Австрали мах их гоё амттай. Холоос ирсэн мах гэж бодсон ч гэсэн хааяа идчихдэг юм.

Дараа нь энэ цементэн саванд үнсээ хийх ёстой. Цэнхэрт нь усны сав, цаасыг хийнэ.

Энэ моднуудын цаана дахиад хогийн сав байгаа.Түүнд нь хогоо хийнэ. Мах шарагч тавьсан зүлэг маань түлэгдсэнийг эс тооцвол яг байгаагаар нь буусан, суусан газраа цэвэрлэж явна.

Би чинь жаахан сүртэй болхоороо бас зүлэг жоохон түлэгдлээ уучлаарай хангай дэлхий минь энэ тэр гэж мордсоон.

За тэгээд дараа сарын хорхоны бичлэгээрээ дахин уулзацгаая. Жич: Ойрдоо хоолноос өөр сэдэвтэй бичлэг орохгүй л байх шүү та минь ээ.