Дугуй хуушуур чамайг даа

Өмнө нь энд нэг хийх гэж бүтэлгүйтсэнээ бичжээ хөөрхий . Ингээд хоёр дахийг нь хүлээн авна уу?

АЗ-ыг басаад байхаар нь за найз хүүхэн элбэлцэхийм чинь юу байхуу дээ гээд сэтгэлд бөөрөнхий хуушуур байтугай л багтаж байв.

Гоё ээжийн хуудасны жороор гурилаа зуурваа. Нэлээд нялцгай болсон чинь нөгөөх чинь арай л нялцгай юу үгүй юу гээд үглээд болдоггүй. Би мастер тогооч хүний жороор хийжийн дугуй бай л гэлээ.

Цаг боллоо, найз хүүхэн орж ирлээ. Онолын дагуу элдлээ, мах нь булцгас гээл гарч ирэх нь тэр. Өө янз янзаар л үзлээ. Гурил нь ч зузаан болжийх шиг. Мах нь гарч ирээгүй нэг ч хуушуур байдаггүй. 

АЗ тэнд шарах гээд хуушуур нэхээд байдаг бид 2 наана нь түнтэгнээд түнтэгнээд бардаггүй ээ.

Гараараа махтай гурилаа нимгэллээ, байдаггүй. Цоорч гарч ирсэн махан дээр нь нөхөөс тавьлаа байдаггүй. Хэдэн мянган аргаар үзлээ, байдаггүй. Сүүлдээ гамбир ч болоод байгаам уу бүү мэд.

Гол нь бууж өгөхгүй, бид 2 хийнээ л гээд үзээд байдаг. АЗ болхоор та 2 зүгээр хуушуур хий, бүтэхгүйн байна гээд байдаг. Бараг 2 цаг ноцолдоод сүүлдээ дахиж хатуу гурил зуураад, нялцгай гурилтайгаа хольж үзлээ байдаггүй. 

Сүүлд нь дахин 2 найз нэмж ирлээ, нөгөө 2 туршиж ч үзээгүй, бөөрөнхий хуушуурын хэцүүг нь гайхсаар байгаад сүүлдээ энгийн хуушуураа хийсэн дээ.

Яаж тийм гоё нимгэн энэ тэр элддийм бүү мэдээ бүү мэд. Уур хүргэсэн дугуй хуушуурыг хүн л надад хийж өгөхгүй бол одоо ёстой түүгээр оролдох ч үгүй гэж мэд.

Нэг техник байх шиг байна тээн, тэр элдэлт л их жогтой. Гуриландаа байсан гэж гурил уруу буруугаа чихээд ч яахав. Ямар ч байсан нэг нууц арга байх шиг байгаан. Нээрээ махандаа буруу байсын бол уу? Тэгвэл ч АЗ-ын буруу болоод явчина л даа ва ха ха ха ха. Уг нь тэр жороор нь амталсан л даа.

Нээрээ хэн энэ дугуй хуушуурыг зохиогоо вээ? Дугуй хуушуур чамайг даа.