Монгол бичгийн хичээл

Би ер нь багшлах одонд төрсөн хүмүүн байхаа.


Анхны хичээлээ нөгөө шавьдаа заалаа. Харандаа, дөрвөлжин дэвтэртэй ирээрэй гэсэн чинь тууш дэвтэртэй ирсээн.

Миний санах ой гэж авах юм байхгүй болсоон. Уулзах газраа хүлээж байхдаа за байз нөгөөх чинь ямархуу хүн байгаа билээ гэж бодоостой, энэ ч билүү тэр ч билүү гээд таамаглаад, ангайгаад сууж байсан чинь шавь маань намайг таньчихсан Багш гээд орилсоор ирсэн хэ хэ хэ.

Эхний хичээл зурлага заасаар ирлээ. Нөгөөх чинь баяртай байна гэж жигтэйхэн. Хаа очиж хэл, аялга нь манай нөгөө Европ шавиас дээр гээч. Афганистан ч билүү Пакистан гаралтай гэсэн.

14 хоногийн дотор бүх зурлагаа цээжилчихээд ирэх л юм ярьсан ш дээ.

Шавийн гар бичлэг

Би бараг зарим зурлаганыхаа нэрийг мартчихсан байна лээ. Ямар ч байсан тэгээд тууштай сураад, уншаад, бичээд сурчихвал би өөр юу хүсхэв дээ.

Хичээлээ заачихаад ирсэн чинь АЗ намайг гэгэлзээд, хоол ундаа идэхгүй байна гэсэн ш дээ, хөөрхий  минь Монгол бичигээ хараад баярласан юм шиг байгаан.

Би ер нь хүнд хичээл заахдаа өөрөө илүү их юм мэдэж, сурч авдагын ш дээ. За тэгээд бүр нэг их юм хоргоодог, шалдаг хүн байхын бол бүр их юм сурна хэ хэ хэ.

Сүүлд хэзээ Монгол бичиг заалаа гэсэн чинь 4р курст байхдаа 5-р сургуульд дадлагаар зааж байсан юм байна. Тэгэхэд л би багш болвол хотын сургуульд ажиллахгүй юм шүү гэж бодож билээ.

Би үдээс хойш хичээлтэй, тэгээл ирж явангуут нөгөө 5-р ангийн хүүхдүүд багшаа гээл гүйж ирээл тэврэнэ, тэгсэнээ чихэр михэр юу ч билээ идэхүү гээл оюутан багшийнхаа өлөн бөгөөд сэхүүн ходоодоор тоглоостой.

За тэгээд удахгүй манай шавь Хүмүүн бичиг сонин дуржигнатал уншаад, хуулан бичээд сурчихвал боллоо доо.