Амарсаан

Өнөөдөр сүүлийн шалгалтаа өгөөд ангиас гарсан чинь нуруун дээрээс шуудайн чинээ том ачаа аваад хаячих шиг боллоо.


Энэ семестэрт ямар их ядраваа. Ёстой л уначихсангүй.

Ямар ч байсан шалгалтуудаа өгөөд дууссан, зарим нь бол үстэй толгой арзайлгамаар аймаар л байлаа. Чадах чинээгээрээ л бодож сэтгэж тоолж гарч ирлээ.

25-нд дүн гарна. Тэрнээс наана тэгээд жаахан сэтгэл зовьноостой л байна. Гэхдээ ямар ч байсан  хичээл харахгүй түр амрана гэхээр сайхан байна.

Манай энд чинь жаахав жавартайг эс тооцвол ногооноороо л байна. Ирэх 7 хоногоос цас орох сурагтай. Шинэ жилийн өмнөхөн л цас ороод за тэгээд хаваржингаа л зууралдана даа.

Бүгдий нь дуусгасан

Бичиг хэргийг ёстой нэг уулаа. Боодол шугамтай цаас, баахан тодруулагч, бал дуусгалаа. Хөөрхий муу хуруунууд маань сурч байгаан байлгүй. Нээх янгинасангүй семестэр дуусгалаа.

Түрүү 7 хоногт шалгалт өгөх ангийн үүдэнд хүлээх зуур

Шалгалтаа өгч дуусаал энд тэндээс хүн дуудчих вий гэсэн шиг л гэрийн зүг давхина шүү дээ. Бушуухан ирж л дараагийнхаа шалгалтыг унших гээд хэдэн өдөр галзуу мэт байв.

Лекцнийхээ сүүлийн 30 минутыг МБ-ээр тэмдэглэж үзлээ

Нэлээд дадлага хийхгүй бол үсгээ бодоод бас нэлээд алдсан. Гэхдээ бас өгүүлбэрээс үг тэмдэглээд авсан.

Их гоё байсан

Монгол бичигээр дээрээс доош бичихээр нээх тийм сайхан одоо юу гэхийм дээ сэтгэлийн цэнгэл эдэлдэгий ш дээ.

Аугаа сайхан бичиг юм даа

Монгол Бичигийн цахим хуудсанд бусдад үлгэр жишээ үзүүлэх зорилгоор лекцээ тавиад, нэг хөөрхөн хүүхэд би сайхан бичиж сурмаар байна, таны шавь больё гээд ороод ирлээ. Өө би чинь одоо бас тэгж гоё бичдэг нь биш шүү дээ гэсэн чинь заавал таны шавь болмоор байна гэнээ. Тэгэхээр нь шавьсаг хүн юм болохоороо за л гэчихлээ.

Хүмүүн Бичиг сонины газраас зохион явуулдаг Монголын сайхан бичигтэн уралдаанд шавь орно гээд бид 2 алсын зайнаас үзэж тарах санаа байна даа.

Одоо амралтаараа баахан ном уншия гэж бодоод сууж байна. Манай энд чухам л сайн зарагдаж байгаа номнууд юм байх. Юу ч гэсэн эхлээд энийг дараа нь үүнийг за тэгээд дараа нь нөгөө олон бичгийн Англи хэл мэл сайжруулдаг ном момоо уншина даа.

Ганцхан сар юу байхав дээ нэг өглөө босоход л маргааш хичээлтэй гэж байх байлгүй. Манай ангийнхан 2 сараас ажил хайж эхлэнэ гэнээ. Би одоо дагаал намирдаг л байх.

Эндхийнхэн чинь Linkedin их ашигладаг болохоор түүнийгээ л нэг сайн сайхан болгоод авья гэж бодож байна. Манай сургууль энэ хуудсыг яаж ажиллуулах, ямар мэдээлэл оруулах бүр цаашлаад мэргэжилийн зураг хүртэл авч өгдөг гээч. Даанч миний зураг нэг л сэтгэлд хүрээгүй өөрөө л нэг юм болгохоос.

Намар нэг романчиклая гэж бодсоороо байгаа л энэ

Намар ганц л ийм зураг авч амжлаа. Эндхийн намрын өнгө ч ай даа мөн гоё шүү дээ.

Өвөр Монгол найз хүүхэнтэйгээ сугадалцаал баахан гадуур тэнэнэ дээ. Нээх мөнгөтэй хүмүүс шиг л энийг шилж, тэрийг гоочилж явсаар үдшийн бүрийд нээх ажил хийсэн шиг дуу алдаал гэртээ ирээл тээн...