3 дугаар уу 4 дугаар уу?

Гар утас гэдэг юмыг нэг золиг нь нээснээс хойш хүн төрөлхтөн гар утасгүй бол гаргүй юм шиг боддог болсон байна. Тэгсэн нэг гар утастай, нэг л дугаартай болоод байсан чинь 2011 он чинь доод зах нь 2 дугаартай байдаг болсон байна. За яахав 2 байж больё гэхэд 3 дугаар барихаараа яг яадаг юм би мэдэхгүй байна л даа. Нисдэг дэг шүү лав. Тэгээд эргэн тойрны нөхөд гэр бүлийнхнийгээ бодсон чинь Пэээээээээээээээээээээээээээээээээээээээээ бүгд доод тал нь 3 дугаартай юм байна. За Мобигийнх бол байдаг гэнэ. Нэр төр юу юу ч гэнэ үү за тэгсэн чинь Скайтэлийн дугаар бас дажгүй гэнэ хоорондоо үнэгүй ярьна, хайр майр болоод явчдым байх. Тэгсэн чинь Юнителийн дугаар бас байхгүй бол болдоггүй гэнэ. Яана гэнэ үү? Допингдоод допингдоод явчдаг гэжийн шүү цаадуул чинь. Үгүй нээрээ нэг дугаар чинь авхад үнэтэй сунгуулна яана яана чи билээ бөөн зардал ш дээ. Би зарим хүний утасны дугаарыг бол тоог нь алдаад байгаан лав 4 байна. Тэгээд л бодлоо л доо үнэхээр хэрэглээ юу аль эсвэл гангараа юу аль эсвэл какраа юу гээд. За бодьё манай ээж болвоос гурван дугаартай. Ээж бол какарцан байгааз дээ. Моби бол сумын төв дээр ажиллахгүй аан аймаг, хот явахдаа гангарна гэжугаа. Юнител бол сумын төв дээр барьдаг учираас заавал ашиглах шаардлагатай. Скайтэл бас баринаа тэр нь яадаг гэхээр манай ах хоньны бэлчээр дээрээс ярьмой. Скайтэлийн антень хол татна. Хоньны бэлчээр дээрээс ялангуяа өндөр уулан дээрээс ярьнаа. За тэгээд би нэг Монгол дугаартай ах шууд хоньны бэлчээр дээрээс над ураа залгана. Энэ бол гайхамшиг. Цаана нь нохой хуцаад аааааааааааааюгүй гоё байдаг байхгүй юу даа. Энэ бол одоо хэрэгцээ бүр цаашилбал амьдралын шаардлага. Мөн үү мөнн мөнн мөнн. За цаашилбал манай дүү бэр 2 нэлээд хэдэн тооны дугаартай. Тэр бол би тоог нь алдсан яриад яахав. Найзууд уруу орьё ёстой нэг байнаа байнаа. Нэг дараа төлбөртийн Моби байна, бас нэг зөвхөн захиа бичдэг Моби дугаар байна. Тэгж байсан бас нэг дугаараас залгажийн яадаг дугаар вэ гэсэн чинь миний төрсөн өдөр он сар байгаа биз дээ гэнээ. Энэ бол жинхэнэ какарна гэжугаам даа. За тэгсэн бас нэг ардын багш байна. Нэг дугаартайг нь би мэднэ тэгсэн бас нэг өөр дугаараас залгалаа яадаг дугаар вэ гэсэн чинь нөгөө утас допинг юмаа энэ бол зүгээр энгийн дугаараа гэнээ. Тэгээд дээрээс нь 11 жилийн сургууль чинь багш нартаа дугаар өгдөг болчиж Ж-Мобайл өгдөг гэнээ. За тэр дугаараа нэмэхээр 3 болох нь дээ. Энэ бол зөвхөн жишээ юмаа. Цааш судалбал нэлээд том ажил болно гэдэгт гүнээ найдаж байна.

Хөвөх нь тэр

За бүтэн 2 сар хагасын турш долоо хоногт нэг удаа, нэг цагаар усанд сэлж сурах хичээлд яваад 10 удаа хичээл орохоос нэг удаа таслаад 9 удаа хичээлд суусан гэсэн үг. Нэг удаа таслахаа гадаа цас эгч, бороо ах 2 зэрэг холилдож ороод зам аймаар байсан тул аюулгүй ажиллагааны үүднээс хичээлдээ яваагүй юм. Анх хичээлд бүртгүүлэх гэж байхдаа яг сэлж сурах уу гээд асуусан чинь яг сурнаа гэсэн. Тэгэнгүүт л хүн намайг сэлгээд сургах л юм бодоод зүтгэсэн л дээ. Тэгсэн манай ангийн нэг хүүхэн нэг өдөр хичээлдээ ирсэнгүй. Яагаад сайн мэдсэн гэвэл тэр бид 2-ын түвшин яг адилхан байхгүй юу. Тэгсэн би баахан акулуудтай бассейнд ороод ирсэн чинь ичих ч шиг тэгэнгүүт л шууд үзэж тарсан. Энэ бол сүүлээсээ 2 дахь хичээл байсан юм. Тэр өдөр нуруугаараа хөвөгч бүстэй сэлээд нэлээд дажгүй болоод. Усанд бас жаахан найдаад эхлэх нь тэр. Хамгийн сүүлийн хичээл дээр шууд хөвөгч ямар ч тусламжгүйгээр усанд өөрийгөө даатгаад тэгсэн унаад ха ха ха нөгөө сайхан итгэл алга болсон. 2-3 унаж ам, хамар бөөн ус, цас болж байж арай гайгүй болсон. Гэхдээ цаадах чинь хөвж энэ тэр. Одоо дараагийн курст нь бас нэг 2 сар хагас явахад эгч нэг юм бээвийгээд сэлж магадгүй. За эндхийхэн шиг аймаар сэлэхгүй ч гэсэн ядаж нэг анхан шатны хэмжээнд болчихвол болох нь тэр. Яг ингээд усан дээр хөвөөд биеэ сул тавиад ирэхэд үнэхээр сайхан мэдрэмж төрдөг юм билээ.