Цахим найз

Цахим найз, сайн уу муу юу аль нь вэ хө?

Өдөр болгон ярьдаг
Үргэлж санаа тавьдаг
Дандаа баярлуулж явдаг бол
Сайн уу муу юу аль нь вэ хө

Сайн сайн тэр бол сайн...

Энэ гадныхан чинь цахим найзтайгаа уулзалддаггүй юм билээ ш дээ. Хэдэн арван жил цахимаар л холбогдоод яваад байдаг юм байна.

Манай ангийн Бермуда хүүхэн учираа олдсон олон цахим найзтай гээд л тэгсэн чинь би ухаа алдах дөхөж билээ. Хэдтэй нь уулзсан бэ гэсэн чинь нэгэнтэй нь ч уулзаагүй гэдийн.

Гэтэл манайхан цахим найзтай боллоо. Дараагийн асуудал яаж ийгээд уулзах болчоод байх шиг санагддаг юм.

Бид нар их сониуч хүн юм уу эсвэл одоо тэсвэргүй юм уу бүү мэдээ бүү мэд.

Надад нээх олон цахим найз байхгүй ээ. Гэхдээ бас 00-гүй.

Блогийн хэдэн найзаас өөр Монгол цахим найз байхгүй ээ байхгүй. Уг нь байсымаа, тэгсэн чинь уулзий, учрая л болоод явчихсан. Тэгэхээр нь орхимой.

Ялангуяа эсрэг хүйстэнтэйгээ цахим найз байна гэдэг нэг л сонин санагдаад байдаг юм. Хаашаа ч юм бэ дээ. Танилцах албанд бүртгүүлчихсэн ч юм шиг. Мэдэхгүй ээ, мэдэхгүй.

Одоо харин жинхэнэ цахим найз гэж хэлж болох ганц хүн бий. Тэр маань Францад байдаг юм.

Миний Франц хэлний багш, би бас түүний Англи хэлний багш. Бид бие биедээ энэ үед л хэрэгтэй. Тэгээд л болоо.

Зул сараар бэлэг энэ тэр явуулаад сүйд майд. Би яаж зүгээр байхав бас бэлэг явуулаад бөөн сүр.

Далайд ойрхон амьдардаг, фермерийн эхнэр бий. Намайг ирээрэй л гээд байгаа юм.

Гэртээ үнэгүй байлгана энэ тэр гээд байгаа ш дээ. Би буцаагаад агтны хариу жилдээ гээд Монголд уриад гэртээ байлгах гэхээр тэд нар шиг олон өрөө, тусгай банн, 00 байхгүй болохоор бас л эвгүй санагддаг юм.

За тэгээд цаг нь ирэхээр болох байлгүй дээ тээн.

Гол нь энэ тухай бичсэн шалтгаан нь хоёр хүний сонирхол нэг юман дээр ирж тогтохоороо цахим найз ч бай, жинхэнэ танил ч бай удаан холбогдоод явж болдог л юм байна.

Эргээд санаа, оноо зөрөөд, сэтгэл хоёр болчихоор хаана ч байсан, хэчнээн олон жил үерхсэн байлаа ч холддог л юм байна.

Найзаар тань чамайг танинаа гэж...