Хичээлгүй

Эндхийн өвөл их сонин ш дээ. Өглөө цас, орой бороо орно.

Ус, нуураар хүрээлэгдсэн болохоор их зөөлөн болчихдог юм уу. Цас нь бороондоо нээх хайртай.

Өвөл дуудаал авчирчихна. Бороо нь нээх уриалгахан гүйгээл ирнэ.

Өглөө явахад цас орж байсан. Сая ирсэн бороо орж байна. Хөлдөхөөс нь өмнө гээд амжиж гэртээ ирлээ.

Өнөө шөнө энэ бороо хөлдөөд маргааш мөсөн коток болох учираас их болон бага, дунд сургуулиуд хичээллэхгүй.

Учир нь аюулгүй байдал гэж нэг айхтар юм байна. Бүр янз янзын дугуйлан энэ тэр ч хичээллэдэггүй юм.

Би яахав дээ Монгол зангаараа за гайгүй болчихлоо гээл орой давхиж очоод хаалга мөргөсөн удаа зөндөө бий.

Гол нь энэ бороо нь зам хальтиргаатай болгодог болохоор би өвөл дандаа цас нь орж байвал баярладагын.

Тэгээд гудамжаар дүүрэн жамц давс асгана. Тэгээд гутлын хажуу талууд хужиртаад, цагаараад ирнэ. Өвөл дотортой усны гутал л чирнэ шүү дээ.

Тэгэхгүй бол энгийн гуталыг нэг өвөл өмсөөд л тэгээд  дахиж ганган дээрээ тавьхааргүй болгоод хаяна.

Уг нь цас нь илүү давамгайлж орно л доо. Миний муу машин саяхан -23 хүрээд хоносон чинь өглөө хөлдөөд асдаггүй, одоо тэгээд -20 хүрэхээр нь тогонд залгаж хонож байгаа.

Өнөөдөр чинь эд юмс хүртэл өхөөрдөөд би чинь одоо юун уяхан болчив доо.

Уяхан байгаа дээрээ хайрт уншигчиддаа, ХАЙРТАЙ гээд зарлаад авая.

Бороо бага цас давамгайлж орсон өвөл үргэлжлээсэй гэж хүсч байнаа!