Хахир өвөл

Үнэн жаатай өвөл болжийнаа. Хавар эгчээ хурдан ирээрэй. Хайртай шүү!

Шөнө -40, өдөр -36 нэг метр илүү цастай жинхэнэ мөстэй хүйтэн өвөл гэдэг энэ юм байна.

Нэг сарын дундаар 10-аад хоног -30 гарч жаалаад, шөнөдөө машинаа тогонд залгаж хоноод, өдөртөө унаж давхиад байсан чинь байдаггүй ээ.

Аккумлятор суусан. Бүр нам суусан байна гэсэн. Энэ муу машин бид хоёр хэл амгүй шиг байж байгаад хоёр тийшээ болчихоё гэсэн аккумлятор нь суугаад 110 доллараар аккумлятор авч тавиуллаа.

Одоо хүйтний эрч буураад -15-аас -20 гээл явж байна. Дахиад -40 хүрхийн бол машиныхаа аккумляторыг яаж суулгахгүй байхын бүү мэд.

Урждар шөнө бороо ороод өчигдөр өглөө зам ямар байсан гэж санана. Мөсөн дээр ус асгацан юм шиг. Үнэн аймаар. Би бүр явна гэж мөлхлөө ш дээ. Нааш цааш гулгаж давхих бол юу ч биш байлаа.

Нэг эгнээтэй хурдны зам дээр нэг цасны машины ард орцон чинь явдаггүй. Нөгөө муу цасны машиныг чинь би гүйцэд түрүүлж чаддагүй ээ. Миний ард баахан машин эгнэчээд байдаг. Би зам бөглөөд байдаг. Эсрэг урсгалаар дүүрэн машин яваад байдаг.

Баахан хүний л хэл амны бай болох шиг боллоо. Сүүлдээ би чинь өөрөө сандраад. Зөв ч газар гүйцэд түрүүлцэн үү, буруу ч газар гүйцэд түрүүлцэн үү бүү мэд. Ямар ч байсан түрүүлээл өнгөрсөн. Ард байсан машинууд хяргачих шахаал намайг гүйцэж түрүүлээд өнгөрсөн.

Тэгсэн чинь урд шөнө нэмээд 30 см цас ороод хоножээ. Өглөө бол бараг л уйлах дөхлөө. Бушуухан хавар болоосой.

Хэд хоног мөсөн гулгуур дээр конкийгоор гулгаад сурчий гэсэн чинь байдаггүй. Тэр нэг анх сурахад түрж явдаг юм нь том хүнийх гэж байдаггүй гэнээ. Дандаа хүүхдийнх байдаг гэнэ.

Настай ч билүү хүмүүс түрж яваад байдаг тэрэг шиг юм байдаг. Тэрийг аваад түрээд явдым уу гэсэн чинь нэг л эвгүй юмаа. Миний хажууд 5,6 настай хүүхдүүд л гулгаад байхын. Би нээх том тэмээ юм шиг юм дунд нь тэрэг шиг юм түрээд араас нь хальтирч унаад явна гэхээр ой тоонд бууж өгөхгүй юмаа.

Гэхдээ гулгаад сурчих юмсан гэж их мөрөөдөх юмаа.