Ганц удаа улс төрдий

90-ээд онд тог нь тасардаг, асуудал гардаг байсан Даланзадгад хот 2013 онд ч тог нь тасарсан, байрны паар нь хөлдсөн, утасаа цэнэглэж чадахаа байсан, орон сууц, албан газрууд халаалт байхгүй нөгөө л нэмнэсэн, лаа барьсан, Land Cruiser унасан говьчууд болж хувирчээ.


Даланзадгад хотын Дулааны Цахилгаан Станч өнгөрсөн зуунд асуудал байсаар ирсэн, шинэ зуунд ч асуудал байсаар өнгөрөх бололтой.

Чухамдаа 1996-1998 онд Даланзадгад хотод Солонгосчууд хэдэн зуун дамжин хэрэглэх Дулааны Цахилгаан Станц барьлаа.

Энэ мэдээж Даланзадгадчуудад том амжилт болж байсан.

Удаагүй дээ. Зарим хүмүүс санадаг байх. Шинэ Дулааны Цахилгаан Станц барьснаас хойш гарын таван хуруунд хүрэхгүй жилд нэгэн Цагаан Сар болох гэж байхад нөгөө сайхан станц нь битүүний билэгт сайн өдөр эвдрээд Даланзадгадчууд буузаа идэж чадалгүй, гэсгээж шинэлж байлаа.

Тэр үед хүмүүс бухимдаж, цухалдаж байлаа. Ёстой тэр дор нь ДЦС барьсан компани, даргыг шүүгээд учирыг олж, хужирыг тунгаах шинжтэй байсан ч энэ өнөөдөр зүгээр л замхрал болон үлджээ.

Бүхэл бүтэн 15 жил, хүний амьдралын нэгэн үе мөч өнгөрсөн байхад Таван Толгой, Оюу Толгойг газар нутаг дээрээ агуулчихаад өнөөдөр тоггүй, харанхуй амьдарч байна гэдэг үнэхээр гутамшиг бас аюумшиг юм даа.

Энэ бол 3 дахь удаагаа улиран сонгогдож байгаа Засаг Ноёны ажилын тайлан бэлэн харагдаж байгааг бүрэн илчилж байна гэж дүгнэж байна.

Өнгөрсөн орон нутгийн сонгуулиар арай өөр аагтай аавын хүү, ээжийн охин энэ нэг идэж уусан ноёнг тогшоод гараад ирэх болов уу гэж горьдож байлаа, итгэж байлаа. Үгүй юмаа.

Тэр байтугай эрх дарх ямбатай Засаг Ноёнтой өрсөлдөх цээжтэй аавын хүү гарч ирээгүй юм байх. Чухамдаа үр дүн нь хуучин Засаг Ноён бэл бэнчингээрээ далайлгаж гарч ирсэнд оршиж байгаа бололтой.

15 жил тоггүй, харанхуй амьдарчихаад Даланзадгадчууд хуучин Засаг Даргаа сонгосон гэхэд та нар итгэж байна уу? Өт хүртэл биед нь хүрэхээр арвалздаг гэгчээр захын сумаас долоон доор, харанхуйд амьдарч байгаа хүмүүс багтраад, дэлбэрээд дуусах цаг хэдийнэ болсон.

Энэ бүхний учир баяжиж, дэлбэрэхээ урьтал болгосон засаг ноён түүний хамсаатангууд ямар муухай ард түмэнг доорд үзэж байгааг бэлээхэн илчилж байна.

Би гайхлаа. Ямар мөрийн хөтөлбөр энэ ноён гаргаа вэ гээд сураглатал Да Хүрээ хүртэл засмал зам тавихын гэнэ. Тэгээл болоо. Яг үнэндээ зам тавьдаг компани нь хүүгийнх нь компани юм гэнээ зайлуул.

Зүгээр л нэг зам тавиад хаяья гэвэл хэнд ч гэсэн хэдэн төгрөг өгөөл тавиулчий ш дээ. Үгүй юмуу.

Гол нь тэр засмал зам гэдэг чинь байнгын арчилгаа, тордолт шаарддаг, явуулын ажил шүү дээ. Үүнийг ухаарч мөнхийн сайхан замтай байлгаасай гэж Засаг Ноёнд биш бурхан тэнгэрт итгэвэл арай дээр юм шиг байна.

Ирэх 4 жилд Засаг Ноёнг юу хийхийг нь харах биш хэрхэн яаж баяжихыг нь нотлох үлдлээ. Итгэлийн утас, сэтгэлийн сүү аль хэдийн АН-тай чинь цуг алдран алга боллоо Засаг Ноён мину.

Даланзадгадчууд өнөөдөр тог цахилгааны асуудалдаа зууралдан бүдэрч явахад нь хэдэн шарууд хоёр сайхан толгойг нь салгаад, юмуу мөлжөөд аваад явлаа даа. Сүүлд нь дурсаж ярих юмтай л юм даа эвий эвий.

Тог цахилгаандаа ч хүрч чадахгүй байгаа ард түмэн буюу Засаг Ноёнгоороо ажилыг нь хийлгэж чадахгүй байгаа ард түмэн, газар нутгийнх нь хэсэг дээр тонгочиж байгаа толгойнуудад  үг хэлэх нь байтугай өмнөөс нь ч харч чадахгүй л явна. Энэ бол өөрөөр хэлбэл нөгөө үлгэрийн далай, дэлдгэрийн авгай гэдэг чинь энэ шүү дээ.