Оллоо оллоо

Юуг гэж үү? Эрж хайгаад байсан хүнээ оллооооооооооооооооооооо.

Сүүлийн хэдэн жил ч эрж хайсан юмб дээ энэ хүнийг. Хаана байж болох вэ? Юу хийж болох вэ? Ямар явж байх бол гээд түм буман бодлууд ар араасаа хөвөрч байлаа.

Сүүлдээ ч за одоо больё, ерөөсөө гадаад гараад явчихаж ч гэж бодож байлаа. Бүр бууж өгсөн байлаа.

Нутаг орон, төгссөн сургууль, амьдарч байсан гэр, хань ижилээр нь гээд хайгаагүй юм байхгүй ш дээ.

Хөөрхийн тэр минь намайг бас хайгаад манай нутаг орсон байвал яахав. Тэгсэн баахан адилхан ТБ нэртэй хүмүүс байж таараад тэгээд нөгөөх чинь миний овогийг мэдэхгүй буцсан гэнэ.

Оюутан байхад байсан айлд очсон байна. Бас нүүсэн байж таарсан гэнэ.

Манай ангийн хүүхэдтэй тааралдаад асуухад гадагадад байгаа гэж сонсчихоод давхиж очоод уулзана гэж бодож байсан гэнэ шүү.

Хоёр талаасаа бие биенээ хайгаал байж хайгаал байж. Би ч бас энд ирээд хэд хэдэн блогчиноор хайлгуулаал байлаа хайлгуулаал байлаа.

Тэгээд өчигдөр хамгийн анхны ажилын хоёр хүүхэнтэй хоол идчээд Их Дэлгүүр рүү гарч явсан чинь нөгөө найз маань торойсоор өмнөөс гараад ирдэг юм байна.

Бид хоёр чинь дуу алдаад өмнө өмнөөсөө гүйгээд тэврэлдээд салж, хагацаж чаддаггүй. Бүр нөгөөх чинь ажилаасаа чөлөө аваад 2лаа тухтай уулзий гээд кккк.

За тэгэхээр нь би нөгөө цуг явсан хүмүүсээ явахаар хэлье гээд түр салсан чинь нөгөөх чинь 10 минут тутамд над уруу залгаад, би хүлээж чадахгүй нь ээ гээд ккккккк.

Найзыгаа дөнгөж төрсний дараахан очиж байсан юм гэтэл өнөөдөр хүүгийнх нь 8 насных нь ой болох гэж байна. Цаг хугацаа харвасан сум шиг өнгөрчээ.

Хөөрхий найз минь эрээд хайгаад олдоггүй эрдэнээ оллоо л гээд инээгээд байх нь тэр. Наддаа ч гэсэн эрдэнэ шүү дээ чи минь.