Цаг хугацааны өөрчлөлт

Гурван жилийн өмнө Со хэлэхдээ: Сайхан хоолонд, тансаг буудлаас илүү зарлага гаргана.
Би хэлэхдээ: Юухан хээхнээр хооллоод, тансаг буудалд зарлага гаргана.

Гэтэл өнөөдөр би Со-ийн байр суурин дээр ирсэн зогсож байна шүү дээ. Гэхдээ нөгөө тансаг за тансаг нь ч юу юм бэ, гайгүй шиг буудал гэж ярьдаг хэвээрээ.

Үгүй бол нөгөө жорлонгийн асуудал гарч ирнэ шүү даа ва ха ха ха ха ха ха ха ха ах ха.

Ингэлээ л дээ.

Яг үнэндээ би бол цайны печень, нэг аяга шөл энэ тэрээр ходоодоо борлуулаал, хаашаа юмб дээ өлсөхгүй л байвал юу идэж байсан ч яахав гэж бодож явсан бололтой.

Гэхдээ би түргэн хоол ороод байж бас нээх чаддаггүй юмаа. Чипс энэ тэр бүр идэхгүй. Ерөөсөө цайны печень л миний найз байсаар ирсэн, байх ч болно.

Дашрамд хэлэхэд орчин үед төрсөн эхчүүд хөхөндөө сүү оруулах гэж цайны печень иддэг болсон гэхийн. Бас хажуугаар нь таргалдаг гэхийн.

Би насаараа цайны печень идэж ирсэн, энэ тарга зузаан нь хаагуур өнгөрөөд явчихаваа.


Миний энэ хоол сонгох өөрчлөлтөд мэдээж манай Со маш ихээр нөлөөлсөн байх. Жинхэнэ сайн хоолонд юугаа ч хайрлахгүй хүн шүү дээ.

Мань хүн одоогоор Монриалын хоолны газруудыг бараг л дуусгачихаад байгаа. Аль нь сайн хоолтойг надад маш сайн хэлж өгнө.

Би нөгөөдүүлээр нь бүгдэнгээр нь орж чадахгүй. Гэхдээ саяханаас эхнээс нь ороод явж байгаа.

Тэгээд яахав чанартай хоол сонгоод эхэлсэн чинь маш их нарийн төлөвлөгөө энэ тэр шаардагдах бололтой. Хэдэн цагт хаана ямар газар хоол идэх вэ? Эсвэл 7 хоногийн өмнөөс гэртээ тийм тийм хоол тэгж ингэж хийнэ гэж төлөвлөх ёстой юм шиг байна.

Ямар ч байсан өмнөх шигээ гэнэт салхи шиг шуурч гарч ирээл юу байна түүгээр ходоодоо борлуулхаас өнгөрдөг болжээ.

Гэх мэтээр цаг хугацааны явцад үзэл бодол өөрчлөгдөж, юманд хандах хандлага эсрэгээрээ болж байх юм.

Одоо гол нь гэнэт ингээл гараад ирэнгүүт (Жишээ нь Монголд очих) хүмүүс одоо энэ муу ТБ чинь ямар ярваак болцын бэ гээл бодох байх даа.