Цахимжуулалт

Энэ жил миний хувьд цахимжуулалтын жил болж байгаа.

Байгаа ч юу байхав дээ. Орчин үетэйгээ хөл тас нийлүүлж амьдарна гэж байгаа.

Нээх гоё алим авчихсан байдаг ид шидийг нь бүрэн дүүрэн үзэж чадахгүй л байна  ш дээ. Тэгээд алимныхаа ид шидийг сайн үзэхийн тулд эхнээс нь ухаж, төнхөөд цахим хуанли энэ тэрийг нь ашиглаад сууж байна.

Бичих дуртай хүн чинь жил болгон л нэг том дэвтэр аваад л өдрийн тэмдэглэл, тайлан шиг юм хөтөлдөг байлаа. Гэтэл одоо энэ олон дэвтэрийг яах болж байна.

10, 20 жилийн дараа үзвэл гоё л байх байх. Хуудсыг нь эргүүлээд л, залуу нас уруугаа гүйгээд л...

Тэгээд нөгөө олон эрээн даавуундаа зай гаргахын тулд цахимжуулж болох бүх зүйлийг цахимжуулна гэж шийдсэн байгаа.

Энгийн жишээ бол CD энэ тэрийг iTune-ээс аваал, мэндчилгээ энэ тэрийг бас цахим байдлаар илгээгээд, тун шаардлагатай үед бодит байдалтай эвлэрнэ.

Энэ алим дотор их гоё гоё юм байх шиг байна. Тэндхийн асуулт, хариултын булан нь их сайхан юм. Нэг асуулт асуугаад л эргэхэд хариулт гүйгээд ирж энэ тэр...

Номыг Kindle-дээ авч уншаад үнэхээр олон төрлийн юм хэмнэж байна шүү. Эдийн засаг, байгаль орчин, цаг хугацаа юу юуг ч хэмнээд байгаа юм бүү мэд. Ямар ч байсан маш үр дүнтэй байгаа.

За тэгээд миний олж хараагүй, өөр цахимжуулчихмаар юм байвал хэлж өгөөрэй найзуудаа.