Саалиа хураахаар саваа бэлд

Алаг үнээнээс хэдэн литр сүү гарахыг мэдэхгүй. Гэхдээ юмыг яаж мэдхэв хоёр хөхүүр бэлдэе.



90-ээд оны сүүл -2000 оны эхээр айлууд Цагаан Сараар оймс, хөзөр, гарын саван өгдөг байхад оймсыг нь авсан ч өгсөн ч их бэлэгшээдэг байж билээ.

Дээшээ харсан сав. Малгай барагтай өгөхгүй дээ. Доошоо харсан сав.

Дээшээ, доошоо харсан нь чухам ямар учиртай болчихоод байна гэвэл дээшээ харж байвал дотор нь юм орноо гэж.

Нэг айлд хэдэн ч оймс өгсөн яахав дээ. Хүүхдийн тоо нэмэгдэнэ, хүргэн бэрүүдтэй болно.

Сав ихсэх тусам сааль нэмэгдэнэ. Дээшээ харсан бүхэн дүүрнэ гэж.

Дээшээ харсан савгүй байж сааль их авна гэж бодолгүйгээр саваа хангалттай бэлд. Сав чинь л бэлэн байх юм бол бороо их орно, мал таргална, сүү сааль хангалттай авна.

Бэлэгшээлийг бол дээд зэргээр олсон төдийгүй цаанаа нөгөө байх, бий болох гэдэгийг нууцаар гаргаад ирсэн шиг.

Цаашилбал их сааль сүүтэй хувингаа даахгүй бол залуу дуудаж дамжилна. Олон удаа дүүрэн сүүтэй хувингаа дамжилж явбаас дотно харилцаа үүсэж хань, ижил болно.

Цүнхээ бэлд номоор дүүрнэ, чемоданаа бэлд аялалд явна, түрийвчээ бэлд мөнгө дүүрнэ.

 Саваа ахиухан бэлдэж саалиа арвин хураагаарай, хурай хурай хурай!